'સ્ટારડમ'નું શૂટિંગ પૂરું થયું અને આર્યન ખાને ટીમ સાથે ઉજવણી કરી હતી ત્યારે બોબી દેઓલએ એસઆરકેના આ લાડલા પુત્ર પર અપાર પ્રેમ વરસાવ્યો હતો, શાહરૂખ ખાનના પુત્ર આર્યન ખાને તેની પ્રથમ વેબ સિરીઝ 'સ્ટારડમ'નું શૂટિંગ પૂર્ણ કરી લીધું છે અને તેણે સમગ્ર કાસ્ટ અને ટીમ માટે પાર્ટી આપી હતી. આ પાર્ટીમાં બોબી દેઓલ પણ જોવા મળ્યો હતો. પાર્ટીનો વીડિયો સોશિયલ મીડિયા પર વાયરલ થયો છે, જેમાં બોબી એસઆરકેના પુત્ર પર પ્રેમ વરસાવતો જોવા મળે છે.

શાહરૂખ ખાનનો મોટો દીકરો આર્યન ખાન ટૂંક સમયમાં બોલિવૂડમાં એન્ટ્રી કરવા જઈ રહ્યો છે, પરંતુ એક્ટિંગની દુનિયામાં નહીં, પરંતુ ડિરેક્શનની દુનિયામાં. આ સિવાય તેનો પહેલો પ્રોજેક્ટ ફિલ્મ નહીં પણ એક વેબ સિરીઝ છે, જેનું નામ 'સ્ટારડમ' છે. આ શોનું શૂટિંગ ઘણા સમયથી ચાલી રહ્યું હતું, જે હવે સમાપ્ત થઈ ગયું છે. આર્યનએ તેની આખી ટીમ માટે એક ભવ્ય પાર્ટીનું આયોજન કર્યું હતું, જેમાં બોબી દેઓલ પણ જોવા મળ્યો હતો. આ પાર્ટીના ઘણા વીડિયો સોશિયલ મીડિયા પર વાયરલ થઈ રહ્યા છે.જો કે, શાહરૂખ ખાન આખા પરિવાર સાથે 26 મે 2024 ના રોજ ચેન્નાઈના એમએ ચિદમ્બરમ સ્ટેડિયમમાં જોવા મળ્યો હતો, જ્યાં આઈપીએલની ફાઈનલ મેચ યોજાઈ હતી. શાહરૂખની ટીમ કોલકાતા નાઈટ રાઈડર્સ એ સનરાઈઝર્સ હૈદરાબાદ ને હરાવીને ત્રીજી વખતઆઈપીએલ જીતી. જેમાં આર્યન, સુહાના, અબરામ અને ગૌરી ખાન સ્ટેડિયમમાં શાહરુખ સાથે સેલિબ્રેશન કરતા જોવા મળ્યા હતા.આ સેલિબ્રેશનની વચ્ચે હવે આર્યનની પાર્ટીના વીડિયો પણ પોપ્યુલર થઈ રહ્યા છે. તે એક મોટી કેક કાપતો જોવા મળી રહ્યો છે. વેબ સિરીઝ 'સ્ટારડમ'ના સમગ્ર કાસ્ટ અને ક્રૂ મેમ્બર્સ પણ નજીકમાં હાજર છે. બોબી દેઓલ પણ સેલિબ્રેશન કરતા જોવા મળે છે. કહેવામાં આવી રહ્યું છે કે આ શોમાં બોબી દેઓલની મહત્વની ભૂમિકા હશે. શાહરૂખ ખાન અને રણવીર સિંહ પણ જોવા મળી શકે છે, પરંતુ હજુ સુધી કંઈ સત્તાવાર જાહેર થયું નથી. જાણવા મળે છે કે આ શો શાહરૂખની કંપની રેડ ચિલીઝ રજૂ કરી રહી છે.