રણબીર કપૂર અને આલિયા ભટ્ટ આજે અયોધ્યામાં યોજાનારી રામ મંદિર પ્રાણ પ્રતિષ્ઠામાં હાજરી આપવા માટે પહોચી ગયા છે. સોમવારે સવારે આ સ્ટાર કપલ મુંબઈથી અયોધ્યા જતા જોવા મળ્યા હતા. સોશિયલ મીડિયા પર સામે આવેલા વીડિયોમાં રણબીર કપૂર તેની કારમાંથી ધોતી-કુર્તા પહેરીને બહાર નીકળતો જોવા મળે છે. તેણે શાલ પહેરીને પોતાનો લુક પૂરો કર્યો છે. સિમ્પલ સી-ગ્રીન કલરની સાડીમાં આલિયા ખૂબ જ સુંદર લાગી રહી હતી. કેટરિના કૈફ અને વિકી કૌશલ એકબીજાનો હાથ પકડેલા જોવા મળ્યા હતા. કેટરીનાએ ખાસ પ્રસંગ માટે ગોલ્ડન કલરની સાડી પહેરી હતી અને તે ખૂબ જ સુંદર લાગી રહી હતી.