દહેજ મુદ્દે હત્યા કે ઉત્પીડનનો કેસ નોંધવા માટે કાયદેસરના લગ કયર્િ હોવા જરૂરી નથી, લિવ-ઈન રિલેશનશિપમાં રહેતા વ્યક્તિ સામે પણ દહેજ સંબંધી કેસ થઈ શકે છે. આ માટે માત્ર કપલ્સનું પતિ-પત્નીની જેમ જીવવું પુરતું છે તેવી ટકોર અલાહાબાદ હાઈકોર્ટએ એક ચુકાદો આપતી વેળાએ કરી છે. હાઈકોર્ટે કહ્યું હતું કે, પતિ-પત્નીની જેમ લિવ-ઈન રિલેશનશિપમાં રહેતા લોકો પર દહેજ હત્યા અને દહેજ ઉત્પીડનનો કેસ નોંધાઈ શકે છે.
એક કેસમાં પોતાનો ચુકાદો આપતાં અલ્હાબાદ હાઈકોર્ટે કહ્યું હતું કે,દંપતીએ ભલે કાયદેસર લગ્ન ન કયર્િ હોય પરંતુ પતિ-પત્નીની જેમ જ લિવ-ઈન રિલેશનશિપમાં રહેતા લોકો પર દહેજ હત્યા અને દહેજ ઉત્પીડનનો કેસ નોંધી શકે છે.આ આદેશ જસ્ટિસ રાજબીર સિંહે આદર્શ યાદવની અરજી ફગાવતા આપ્યો હતો. ઉત્તર પ્રદેશના પ્રયાગરાજમાં અરજદાર વિરુદ્ધ દહેજ હત્યા અને દહેજ ઉત્પીડનના આરોપમાં ફરિયાદ દાખલ કરવામાં આવી હતી. જેમાં આરોપ લગાવવામાં આવ્યો હતો કે લગ્ન માટે દહેજની માંગણીથી કંટાળીને પીડિતાએ આત્મહત્યા કરી હતી. પોલીસે દહેજ હત્યાના આરોપમાં ચાર્જશીટ દાખલ કરી હતી.


સગાં-સંબંધીઓને પણ આ મુદો લાગુ પડી શકે
કોર્ટે કહ્યું કે માત્ર પતિ જ નહીં પરંતુ તેના સંબંધીઓ પર પણ દહેજ હત્યા માટેનો આરોપ લગાવી શકાય છે, ભલે એવું માની લેવામાં આવે કે મૃતક કાયદેસર રીતે પત્ની નથી. એવા પુરાવા છે કે તેઓ પતિ-પત્નીની જેમ એક સાથે રહેતા હતા, તેથી આ કેસમાં દહેજ હત્યાની જોગવાઈઓ લાગુ થાય છે.