યાત્રાધામ દ્વારકામાં આજે 16મી ઓકટોબરના રોજ ભગવાન દ્વારકાધીશ જગતમંદિરમાં શરદ રાસોત્સવની ઊજવણી કરવામાં આવશે. જે અન્વયે જગતમંદિરના પૂજારી પરિવારના સૂત્રોના જણાવ્યાનુસાર તા.16 મીએ બુધવારે જગતમંદિરમાં રાસોત્સવની ઊજવણી અનુસંધાને ઠાકોરજીના સેવાક્રમમાં જરૂરી ફેરફાર નોંધાયો છે. તા.16 મી ઓકટોબરે ઠાકોરજીની મંગલા આરતી સવારે 6.00 કલાકે યોજાયા બાદ ઠાકોરજીનો સવારનો સેવાક્રમ નિત્યક્રમ અનુસાર થશે. બાદ સાંજે સેવા ક્રમ નિત્યક્રમાનુસાર થશે તેમજ રાત્રે સંધ્યા આરતી બાદથી મંદિર બંધ થાય ત્યાં સુધી જગતમંદિરના પટાંગણમાં રાસોત્સવની ભવ્ય ઊજવણી કરવામાં આવનાર છે.