ગઈકાલે અમદાવાદ એરપોર્ટ પર ધમકીભર્યેા ઈમેલ મળવાની ધમકી મળી હતી તો આજ સમયે રાજકોટના એરપોર્ટ પર ડ્રોન ઉડતું દેખાતા સુરક્ષા જવાનો એલર્ટ થઈ ગયા હતા જોકે બાદમાં એરપોર્ટ ઓથોરિટી દ્રારા સર્વે હાથ ધરવામાં આવ્યો હતો તે વાતની સ્પષ્ટ્રતા થતા રાહતનો શ્વાસ લીધો હતો.
એરપોર્ટના વિકાસને લઈને ઓથોરિટી દ્રારા ડ્રોનના મારફત એપરન, રનવે અને એરપોર્ટ વિસ્તાર નો સર્વે કરવામાં આવ્યો હતો. શઆતના તબક્કામાં એરપોર્ટ વિસ્તારમાં ડ્રોન ને જોઈ સુરક્ષા જવાનો દ્રારા તપાસ હાથ ધરવામાં આવી હતી પરંતુ ત્યારબાદ ઓથોરિટી દ્રારા જાણ કરવામાં આવી હતી કે આ સર્વે તેમના દ્રારા થઈ રહ્યો છે.
અત્રે ઉલ્લેખનીય છે કે, અમદાવાદ એરપોર્ટને બોમ્બથી ઉડાવી દેવાની ધમકી ઇમેલ ના માધ્યમથી મળી હતી. આથી તમામ એરપોર્ટ પર સુરક્ષા વ્યવસ્થાને વધુ મજબૂત બનાવી દેવામાં આવી છે. ત્યારે રાજકોટ એરપોર્ટમાં પણ સિકયુરિટી વધુ સઘન કરી દેવામાં આવી છે