દેશના પૂર્વ નાયબ વડાપ્રધાન લાલ કૃષ્ણ અડવાણીને દિલ્હીની એઈમ્સ હોસ્પિટલમાં દાખલ કરવામાં આવ્યા છે હોસ્પિટલના સૂત્રોએ જણાવ્યું કે લાલકૃષ્ણ અડવાણીને મોડી રાત્રે હોસ્પિટલમાં દાખલ કરવામાં આવ્યા હતા. તેને ખાનગી વોર્ડમાં દાખલ કરવામાં આવ્યા છે. એમ્સના યુરોલોજી વિભાગના પ્રોફેસર ડો. અમલેશ શેઠ તેમની સારવાર કરી રહ્યા છે. સૂત્રોના જણાવ્યા અનુસાર તેની નિયમિત તપાસ કરવામાં આવી રહી છે. પરિવારના સભ્યોના જણાવ્યા અનુસાર તે સ્વસ્થ છે. 96 વર્ષના લાલકૃષ્ણ અડવાણી ડોક્ટરોની દેખરેખ હેઠળ છે. તેમની ઉંમર સંબંધિત સમસ્યાઓને ધ્યાનમાં રાખીને સાવચેતીના પગલા તરીકે તેમને દાખલ કરવામાં આવ્યા છે. લાલકૃષ્ણ અડવાણી ભાજપ્ના સૌથી વરિષ્ઠ નેતાઓમાં સામેલ છે, તાજેતરમાં જ લોકસભા ચૂંટણીના પરિણામો બાદ ભાજપ્ના વરિષ્ઠ નેતાઓએ તેમની સાથે મુલાકાત કરી હતી. આ બેઠકો દરમિયાન અડવાણી સોફા પર બેઠેલા જોવા મળ્યા હતા.
લાલ કૃષ્ણ અડવાણીને આ વર્ષે 30 માર્ચે ભારત રત્નથી સન્માનિત કરવામાં આવ્યા હતા. અડવાણીની ઉંમર અને લથડતી તબિયતને ધ્યાનમાં રાખીને આ સન્માન રાષ્ટ્રપતિ દ્રૌપદી મુર્મુએ તેમના નિવાસસ્થાને વડાપ્રધાન મોદીની હાજરીમાં એનાયત કર્યું હતું. આ પ્રસંગે ઉપરાષ્ટ્રપતિ જગદીપ ધનખર અને પૂર્વ ઉપરાષ્ટ્રપતિ એમ. વેંકૈયા નાયડુ પણ હાજર હતા. અગાઉ વર્ષ 2015માં અડવાણીને દેશના બીજા સર્વોચ્ચ નાગરિક પુરસ્કાર પદ્મ વિભૂષણથી નવાજવામાં આવ્યા હતા.