જામનગર નજીક નાઘેડી પાટીયા પાસે એકટીવાને ટ્રકે ઠોકર મારતા આઘેડનું કરુણ મૃત્યુ થયુ હતું.
જામનગર નજીક નાઘેડીના અવધ નગરીમાં રહેતા ગેરેજ વેલ્ડીંગના ધંધાર્થી સંજય ગોવિંદભાઇ ગોવદીયાએ સિકકા પોલીસમાં ટ્રક નં. જીજે૧૦ટીએકસ-૭૨૭૯ના ચાલક સામે ફરીયાદ કરી હતી.
શનિવારે મોડી સાંજે નાઘેડી પાટીયા પાસે ઉપરોકત ટ્રકના ચાલકે પુરઝડપે અને બેફીકરાઇથી ચલાવી એકટીવા નં. જીજે૨૫કે-૨૨૦૪ લઇને આવી રહેલા ગોવિંદભાઇ વિઠલભાઇ નામના આઘેડને પાછળથી ઠોકર મારી અકસ્માત સર્જયો હતો જેમાં ગંભીર ઇજા સબબ ગોવિંદભાઇનું મૃત્યુ નિપજયુ હતું બનાવની જાણ થતા સિકકા પોલીસ ટુકડી સ્થળ પર દોડી ગઇ હતી.