જૂનાગઢથી મહાશિવરાત્રીનો મેળો પૂર્ણ કરીને અમદાવાદ પરત ફરી રહેલા ભાવિકોને ચોટીલા પાસે અકસ્માત નડ્યો હતો. બોલેરો પીક-અપ નાળામાં ખાબકતાં બેના ઘટનાસ્થળે મોત નીપજ્યાં હતા. જ્યારે 10 લોકોને ઇજા પહોંચી હતી. ઇજાગ્રસ્તોને સારવાર અર્થે રાજકોટ સિવિલ ખસેડવામાં આવ્યા હતા. મૃતદેહોને પીએમ અર્થે ખસેડી પોલીસે આગળની કાર્યવાહી હાથ ધરી હતી. વિગત અનુસાર, અમદાવાદના ભાવિકો જૂનાગઢ મહાશિવરાત્રીના મેળામાં ભાગ લેવા માટે ગયા હતા. મેળો પૂર્ણ થયા બાદ ભાવિકો અમદાવાદ ફરત ફરી રહ્યા હતા. આજે વહેલી સવારે તેમની બોલેરો પીક-અપ ચોટીલા પાસે પહોંચી હતી. જ્યાં ચાલકે કાબુ ગુમાવતા બોલેરો પીક-અપ નાળામાં ખાબકી હતી.

પીક-અપ નાળામાં ખાબકતાં બે લોકોના ઘટનાસ્થળે મોત નીપજ્યાં હતા અને 10 લોકોને ઇજા પહોંચી હતી. બનાવની જાણ થતાં આસપાસના સ્થાનિકો દોડી આવ્યા હતા અને પોલીસને જાણ કરવામાં આવી હતી. પોલીસે ઘટનાસ્થળે પહોંચી મૃતદેહોને પીએમ અર્થે મોકલ્યા હતા અને આગળની કાર્યવાહી હાથ ધરી હતી.