મધ્યપ્રદેશના દમોહમાં આજે મંગળવારે એક ટ્રકે એક ઓટોને ટક્કર મારી હતી, જેમાં મુસાફરી કરી રહેલા 7 લોકોના કરુણ મોત થયા હતા. ઓટોમાં 10 લોકો સવાર હતા. આ ઘટના બાદ વિસ્તારમાં સનસનાટી મચી ગઈ છે. મૃતદેહોને પોસ્ટમોર્ટમ માટે મોકલવામાં આવી રહ્યા છે, દેહાત પોલીસ સ્ટેશન વિસ્તારના સમન્ના ગામની સામે બંદકપુર રોડ પર આ અકસ્માત થયો હતો. જેમાં ઓટોને પાછળથી આવતી ટ્રકે ટક્કર મારી હતી.

જેસીબી દ્વારા ઓટો ટ્રકની નીચેથી હટાવી

મળતી માહિતી મુજબ, અકસ્માત એટલો ગંભીર હતો કે ઓટો ટ્રકની નીચે ફસાઈ ગઈ હતી. આ ઘટના અંગે જાણ થતા પોલીસ ઘટના સ્થળે પહોંચી હતી અને જેસીબી વડે ટ્રકની નીચે ફસાયેલી ઓટોને બહાર કાઢવામાં આવી હતી. ઓટોમાં કુલ 10 લોકો સવાર હતા. હાલમાં એ જાણવા મળ્યું નથી કે ઓટોમાં સવાર લોકો કોણ છે, તેઓ ક્યાંથી આવ્યા હતા અને ક્યાં જતા હતા? પોલીસ મૃતકો અને ઈજાગ્રસ્તોની શોધખોળ કરી રહી છે.