દ્વારકાના બરડીયા નજીક ટ્રાવેલ્સ કાર અને બે કાર વચ્ચે અકસ્માતની ઘટના સામે આવી છે. જેમાં 3થી 4 લોકોના મોત થયાની આશંકા વ્યક્ત કરવામાં આવી રહી છે. જ્યારે 10 થી વધુ લોકો ઈજાગ્રસ્ત થયા છે. હાલ તો 108 અને ફાયરની ટીમ ઘટના સ્થળે પહોચી છે.

વિગતવાર વાત કરીએ તો દ્રારકાના બરડીયા નજીક ટ્રાવેલ્સ અને બે કાર વચ્ચે અકસ્માતની દુર્ઘટના સર્જાઈ છે. મળતી માહિતી પ્રમાણે 4થી વધુના મોત થયાની આશંકા વ્યક્ત કરવામાં આવી છે. અકસ્માત થતા 10 થી વધુ લોકોને ઈજા પહોચી છે. ઈજાગ્રસ્તોને હાલ તાત્કાલીક સારવાર માટે હોસ્પિટલ ખસેડવામાં આવ્યા છે.

ઘટના સ્થળે લોકોના ટોળા થયા એકઠા
અકસ્માત થતાં રોડ પર લોકોના ટોળા એકઠા થયાના હતા. જેના કારણે ટ્રાફિક જામના પણ દ્રશ્ય સર્જાયા છે. હાલ તો સ્થાનીક લોકો દ્વારા પણ તમામ લોકોની મદદ કરવામાં આવી રહી છે.