ઓખા મઢી ટોલનાકા પાસે અકસ્માત સર્જી ઇકો ચાલક ફરાર

દાહોદ જિલ્લાના સંજીલી તાલુકામાં રહેતા ચંદ્રસિંહ રૂપસિંહ બારૈયા નામના ૨૮ વર્ષના યુવાન તેમની જી.જે. ૨૭ સી.એફ. ૯૮૪૨ નંબરની બોલેરો કારમાં ઓખા મઢી ટોલનાકા પાસેથી પસાર થઈ રહ્યા હતા, ત્યારે આ માર્ગ પર પૂરઝડપે અને બેફિકરાઈપૂર્વક જઈ રહેલી સિલ્વર કલરની એક ઈક્કો કારના ચાલકે ચંદ્રસિંહની બોલેરો સાથે અકસ્માત સર્જ્યો હતો. જેના કારણે આ કારમાં બેઠેલા મુસાફરોને નાની-મોટી ઈજાઓ સાથે હોસ્પિટલમાં ખસેડવામાં આવ્યા હતા.
અકસ્માત સર્જી, આરોપી ઈક્કો ચાલક નાસી છૂટ્યો હતો. આ બનાવ અંગે દ્વારકા પોલીસે ચંદ્રસિંહ બારૈયાની ફરિયાદ પરથી સિલ્વર કલરની ઈક્કો કાર ચાલક સામે જુદી જુદી કલમ હેઠળ ગુનો નોંધી, તેની શોધખોળ હાથ ધરી છે.