ઘરફોડ ચોરીના અલગ-અલગ ત્રણ ગુન્હાઓમાં નાસતાં-ફરતાં આરોપીઓને ભાવનગર પેરોલ ફર્લો સ્કવોડએ ઝડપી લીધા હતા.
ભાવનગર, એલ.સી.બી.-પેરોલ ફર્લો સ્કવોડના પોલીસ સ્ટાફના માણસો ભાવનગર શહેર વિસ્તારમાં પેટ્રોલીંગમાં હતાં. તે દરમ્યાન પોલીસ સ્ટાફને ને બાતમીરાહે હકિકત મળેલ કે,  ભાવનગર શહેર, બોરતળાવ પોલીસ તેમજ બનાસકાંઠા જીલ્લાના પાલનપુર સીટી પોલીસ મથકમાં અલગ-અલગ દાખલ થયેલ ઘરફોડ ચોરીના ત્રણ  ગુન્હાઓમાં નાસતાં-ફરતાં આરોપીઓ ગુમાનભાઇ અજમલભાઇ પરમાર અને તેની પત્ની હીરૂબેન ઉર્ફે હીરકી ગુમાનભાઇ પરમાર રહે.બંન્ને ગુંદાળા વસાહત, તા.શિહોર, જી.ભાવનગર ભાવનગર શહેરમાં ચિત્રા, રામદેવનગરના નાકા પાસે જાહેર રોડ ઉપર ઉભા હોવાની બાતમી મળેલ. જે બાતમી આધારે બાતમીવાળી જગ્યાએથી  નાસતાં-ફરતાં  ગુમાન અજમલભાઈ પરમાર (ઉ.વ.૪૫ ધંધો.મજુરી રહે.ગુંદાળા વસાહત તા.શિહોર જી.ભાવનગર), હીરૂબેન ઉર્ફે હીરકી  ગુમાનભાઈ અજમલભાઈ પરમાર (ઉ.વ.૪૩ ધંધો.ઘરકામ-મજુરી રહે.ગુંદાળા વસાહત તા.શિહોર જી.ભાવનગર)ને ઝડપી લીધા હતા.  
ઝડપાયેલા આરોપીઓ સામે   ભાવનગર શહેર, બોરતળાવ પોલીસના  પાર્ટ-એ ગુ.ર.નં.૧૧૧૯૮૦૧૫૨૪૦૩૪૯/૨૦૨૪ ઈં.ઙ.ઈ. કલમ.-૪૫૪, ૪૫૭,૩૮૦,૧૧૪, મુજબ,  ભાવનગર શહેર, બોરતળાવ પોલીસના  પાર્ટ-એ ગુ.ર.નં.૧૧૧૯૮૦૧૫૨૪૦૭૭૯/૨૦૨૪ ઈં.ઙ.ઈ. કલમ.-૪૫૪, ૪૫૭, ૩૮૦,૧૧૪, મુજબ અને  બનાસકાંઠા, પાલનપુર સીટી પોલીસના  પાર્ટ-એ ગુ.ર.નં.૦૨૫૪/૨૦૨૪ ઈં.ઙ.ઈ. કલમ.-૪૫૪,૪૫૭,૩૮૦,૧૧૪, મુજબના ગુન્હા નોંધાયા હતા.
આ કામગીરીમાં  પોલીસ ઇન્સ. એ.આર.વાળાના માર્ગદર્શન હેઠળ, પોલીસ સબ ઇન્સ. પી.બી.જેબલીયા, સ્ટાફના દીપસંગભાઇ ભંડારી, હરેશભાઇ ઉલ્વા, હીરેનભાઇ સોલંકી, નીતીનભાઇ ખટાણા, પ્રજ્ઞેશભાઇ પંડયા, મહેશભાઇ કુવાડીયા તેમજ  નિલમબેન મકવાણા સહિતના જોડાયા હતા.