અભિજીત ભટ્ટાચાર્યએ ઉદિત નારાયણનો બચાવ કર્યો, જે એક છોકરીને ચુંબન કરવા બદલ વિવાદમાં ફસાયેલા હતા. અભિજીતે કહ્યું કે છોકરીઓ પોતે ઉદિતની પાછળ પડી ગઈ હતી અને કોઈએ તેને રોકી નહી. ત્યારબાદ અભિજીતે તેના કોન્સર્ટનો બનાવ વર્ણવ્યો જ્યારે છોકરીઓએ તેને ચુંબન કર્યું હતું. તાજેતરમાં, ઉદિત નારાયણનો એક વીડિયો વાયરલ થયો હતો જેમાં તેણે એક કોન્સર્ટ દરમિયાન એક મહિલા ચાહકના હોઠ પર ચુંબન કર્યું હતું. આ અંગે ઘણો હોબાળો મચી ગયો છે. ઉદિત નારાયણના આ કૃત્યથી ચાહકો પણ ચોંકી ગયા છે. જોકે ઉદિત નારાયણે આ અંગે પોતાનો બચાવ કર્યો, પરંતુ તેમની આકરી ટીકા થઈ રહી છે. આ દરમિયાન, ગાયક અભિજીત ભટ્ટાચાર્ય તેમના સમર્થનમાં બહાર આવ્યા છે. અભિજીત ભટ્ટાચાર્યએ માત્ર ઉદિત નારાયણનો બચાવ જ નહોતો કર્યો, પરંતુ તેમની સાથે બનેલી એક ઘટના વિશે પણ જણાવ્યું જ્યારે તેમને ત્રણ-ચાર છોકરીઓએ ચુંબન કર્યું હતું. અભિજીત ભટ્ટાચાર્યએ જણાવ્યું, 'ઉદિત એક સુપરસ્ટાર ગાયક છે અને આવી ઘટનાઓ હંમેશા અમારા ગાયકો સાથે બને છે. જો આપણી યોગ્ય સુરક્ષા ન હોય અથવા બાઉન્સરોથીઘેરાયેલા ન હોય, તો લોકો આપણા કપડાં ફાડી નાખે છે. મારી સાથે આ પહેલા પણ બન્યું છે.તેણે કહ્યું - છોકરીઓએ તેને એટલી ખતરનાક રીતે ચુંબન કર્યું કે... હું સ્ટેજ પર જઈ શક્યો નહીં.' અને આ બધું લતા મંગેશકરજીની સામે થયું. મારા ગાલ પર લિપસ્ટિકના નિશાન હતા.