પોરબંદર આદિત્યાણા રોડ પર કોલીખડા નજીક પાર્થનગરના પાટીયા પાસેથી પોલીસે સ્કુટરમાં વિદેશીદા‚ની બે બોટલ સાથે ખાપટના ઈસમને પકડી પાડ્યા બાદ તેને માલ આપનાર કોલીખડાના ઈસમ સામે પણ ગુન્હો દાખલ થયો છે. તે ઉપરાંત ટુકડા ગામનો યુવાન બોખીરાના બસ સ્ટેશન પાસેથી વોડકાની એક બોટલ સાથે ઝડપાયો હતો.
પાર્થનગરના પાટીયા પાસે દરોડો
ઉદ્યોગનગર પોલીસની ટીમ પેટ્રોલિંગમાં હતી,ત્યારે ખાપટની શ્રીજીધામ સોસાયટીમાં રહેતો શૈલેષ ઉર્ફે રાકેશ કાંતિગીરી અપારનાથી નામનો યુવાન પાર્થનગરના પાટીયા પાસેથી મોપેડ લઈને નીકળ્યો હતો,આથી પોલીસે તેને અટકાવીને તલાસી લેતા તેની પાસેથી ૮૦૦ ની કિંમતની વિદેશીદા‚ની બે બોટલ મળી આવી હતી આથી પોલીસે ૪૦,૮૦૦ નો મુદ્દામાલ કબ્જે કરીને શૈલેષને પુછપરછ કરતા આ દા‚ તેને કોલીખડા ગામના કાનો ઉર્ફે કમલેશ સરમણ હુંણે પુરો પાડ્યાની કબુલાત કરતા પોલીસે કાના સામે પણ ગુન્હો દાખલ કર્યો છે.
બોખીરાના બસ સ્ટેશન પાસે કાર્યવાહી
ઉદ્યોગનગર પોલીસે બોખીરાના બસ સ્ટેશન પાસેથી ટુકડા ગામના જુના વણકરવાસમાં રહેતા ગૌતમ હસમુખ સાદિયાને ૩૩૦ ‚પિયાની વોડકાની એક બોટલ સાથે પકડી પાડ્યો હતો.