લાઠીના ચાવડ નજીક પુરપાટ ઝડપે આવતી કારે આગળ જતી બાઇકને ઠોકરે લેતા બાઈક ચાલક યુવકનું ગંભીર ઇજા થતા રાજકોટ ખાતે સારવાર દરમિયાન મોત નિપજતા બનાવ અંગે લાઠી પોલીસે કાર ચાલક સામે ગુનો નોંધી કાર્યવાહી હાથ ધરી છે. બનાવની પ્રાપ્ત મુજબ મૂળ એમપીના હાલ લાઠીના ચાવંડ ગામ નજીક આવેલા કરકોરલીયા રોડની પેન્ટાગોન સોલર પ્લાન્ટ ખાતે કામ કરતા તેરસિંહ ખીલજીભાઇ શીંગાડ (ઉ.વ.35)ના ગઈકાલે રાત્રીના નવેક વાગ્યે એમપી-45-એમએસ-8650 નંબરનું બાઈક લઈને પ્લાન્ટથી દુધ લેવા માટે જતા હતા ત્યારે રાજકોટ-ભાવનગર હાઇવે રોડ ઉપર કરકોલીયા હાઇવે રોડ ઉપર પાછળથી આવતી જીજે-14-બીજી-3642 ના કાર ચાલકે બાઇકને પાછળથી ઠોકર મારતા યુવક બાઈક સમેત રોડ પર પટકાતા હેમરેજ જેવી ગંભીર ઇજાઓ થઇ હતી. યુવકને પ્રથમ લાઠી અને ત્યાંથી રાજકોટ સિવિલ હોસ્પિટલમાં ખસેડવામાં આવતા સારવાર કારગત નીવડે પૂર્વે જ દમ તોડી દીધો હતો. બનાવ અંગે હોસ્પિટલ લાઠી પોલીસને જાણ કરતા પોલીસે મૃતકની પત્ની અનીતાબેનની ફરિયાદના આધારે કાર નંબરના આધારે ચાલક સામે ગુનો નોંધી તજવીજ હાથ ધરી છે.