શહેરના કુવાડવા રોડ પર નાકરાવાડીમાં આવેલી મહાપાલિકાની ડમ્પીંગ સાઇટ પર કામ કરતો અને ત્યાં જ ઓરડીમાં રહેતો યુવક રાત્રીના સમયે હિટાચી મશીનની ઠોકરે ચડી જતા ગંભીર ઇજા થવાથી મોત નીપયું હતું. યુવક ફોન પર વાત કરતો જઈ રહ્યો હતો ત્યારે બનાવ બન્યો હતો.
મુળ દાહોદનો વતની અને નાકારવાડી પાસે ઓરડીમાં પરિવાર સાથે રહેતા કમલેશભાઇ પ્રતાપભાઇ ભુરીયા (ઉ.વ.૩૯) નામના યુવક ગત સાંજે જમ્યા બાદ માવો ખાવા માટે પાનની દુકાને જતો હતો ત્યારે ડમ્પિંગ સાઈટ પર હિટાચીની ઠોકરે ચડી જતા ગંભીર ઇજા થવાથી ઘટના સ્થળે જ મોત નીપયું હતું. બનાવના પગલે આસપાસમાં રહેતા શ્રમિકો દોડી આવ્યા હતા. પતિ મોડે સુધી ઘરે પરત ન ફરતા પત્ની બહાર થોડે દૂર જોવા જતા લોકોના ટોળા એકઠા થયેલા જોવા મળતા એ પણ દોડી ગઈ હતી ત્યાં જઈ જોતા પતિનો લોહી લુહાણ હાલતમાં મૃતદેહ પડો હતો. બનાવની જાણ કુવાડવા પોલીસને કરવામાં આવતા પોલીસ ઘટના સ્થળે દોડી ગઈ હતી અને યુવકના મૃતદેહને પીએમ માટે સિવિલમાં ખસેડી જરી કાર્યવાહી કરી હતી. યુવક ચારેક મહિનાથી નાકરાવાડી ખાતે આવેલા મહાપાલિકાના ડમ્પિંગ સાઈટ પર કોન્ટ્રાકટ બેઝ પર નોકરી કરતો હતો. સંતાનમાં બે પુત્ર અને બે પુત્રી છે . પોલીસે મૃતકના પત્નિ રાજુબેનની ફરિયાદ પરથી કટારીયાવાળાના હીટાચી મશીન નંબર–૨ના ચાલક વિધ્ધ બેફીકરાઇથી મશીન ચલાવી કમલેશભાઇને ઠોકરે લઇ મોત નીપજાવવાનો ગુનો નોંધી આગળની કાર્યવાહી હાથ ધરી છે. યુવકના મોતથી પરિવારમાં શોક છવાયો છે