જ્યારે આપણે આપણા પાડોશી દેશ પાકિસ્તાન વિશે વાત કરીએ તેમની ગરીબી અને તેમની નાપાક હરકતો યાદ આવ્યા વગર ન રહે પણ હવે પાકિસ્તાનને જુગાડિસ્તાન પણ કહેવું જોઈએ. કારણ કે પાકિસ્તાનના રસ્તાઓનો એક વીડિયો વાયરલ થઈ રહ્યો છે, જેમાં એક વિચિત્ર વાહન રસ્તા પર જોવા મળે છે. નવાઈની વાત એ છે કે આ વાહન એટલું વિચિત્ર છે કે તેને જોયા પછી થશે કે તેને બાઇક કહેવું જોઈએ કે કાર. એક વ્યક્તિએ વીડિયો જોયા પછી કહ્યું પાકિસ્તાન નહીં  જુગાડિસ્તાન!

તાજેતરમાં @carsofpakistan_cop નામના ઇન્સ્ટાગ્રામ એકાઉન્ટ પર એક વીડિયો પોસ્ટ કરવામાં આવ્યો છે. જેમાં એક વ્યક્તિ પાકિસ્તાનના રસ્તાઓ પર ગાડી ચલાવતો જોવા મળી રહ્યો છે. તે વાહન એટલું વિચિત્ર છે કે સમજાશે નહીં કે તેને કાર કહેવી કે બાઇક. આ વીડિયો પાકિસ્તાનના કયા શહેરનો છે તે અંગે કોઈ માહિતી નથી.

આ કાર સલમાન ખાન દ્વારા ફિલ્મ 'કિક' માં ચલાવવામાં આવેલી કાર જેવી જ દેખાય છે. આ કારનો પાછળનો ભાગ છે. એટલે કે કારને વચ્ચેથી કાપી નાખવામાં આવી છે અને તેનો પાછળનો ભાગ અલગ કરી દેવામાં આવ્યો છે. જયારે વાહનનો આગળનો ભાગ બાઇકનો છે. કારની પાછળ એક મુસાફર બેઠો છે અને આગળ એક વ્યક્તિ બાઇક ચલાવતો દેખાય છે. આ વીડિયોને 31 લાખ વ્યૂઝ મળ્યા છે જ્યારે ઘણા લોકોએ કોમેન્ટ કરીને પોતાની પ્રતિક્રિયા આપી છે. એકે કહ્યું કે પાકિસ્તાની જુગાડની પ્રશંસા થવી જોઈએ. એક યુઝરે કહ્યું- આ પાકિસ્તાન નથી, આ જુગાડિસ્તાન છે.