અમદાવાદમાં ઇસ્કોન બ્રિજ દુર્ઘટના બાદ પુરપાટ ઝડપે વાહન ચલાવનાર વાહનચાલકો સામે પોલીસ કાર્યવાહી કરી રહી છે. પરંતુ તેમછતાં કેટલાક લોકો માર્ગેાને રેસિંગ ટ્રેક સમજી બેફામપણે વાહન હંકારતા હોય છે. ત્યારે શહેરના ઉમાકાંત ઉધોગનગરમાં રાત્રિના પુરપાટ ઝડપે ધસી આવેલી કાર દુકાન સાથે અથડાઈ હતી.મોડી રાત્રિના આ ઘટના બની હોય કોઈ હાજર ન હોવાથી કોઈ જાનહાની થઈ ન હતી. જોકે આ મામલે હજુ સુધી પોલીસ દ્રારા કોઈ કાર્યવાહી કરવામાં આવી હોવાનું જાણવા મળ્યું નથી.

જાણવા મળતી વિગતો મુજબ, શહેરના ઉમાકાંત ઉધોગનગરમાં મોડી રાત્રીના પુરપાટ ઝડપે ધસી આવેલી કાર દુકાન સાથે અથડાઈ હતી જેથી દુકાનમાં નુકસાન થયું હતું સાથોસાથ કારમાં પણ આગળના ભાગે નુકસાન થયું હતું. મોડી રાત્રિના બનેલી આ ઘટના અંગે હજુ સુધી પોલીસે કોઈ કાર્યવાહી કરી હોવાનું જાણવા મળ્યું નથી. બીજી તરફ ઘટનાસ્થળે થતી ચર્ચા મુજબ કાર ચલાવનાર નશાની હાલતમાં હોવાની સ્થાનિકોમાં ચર્ચા થઈ રહી હતી. ત્યારે આ મામલે હવે પોલીસ તપાસ શ કરશે તેવા સંકેતો મળી રહ્યા છે