કલ્યાણપુરના રાણ ગામની સીમ વિસ્તારમાંથી પોલીસે વિદેશી દારુની ૬૯ બોટલ કબ્જે કરી હતી જયારે આરોપી ફરાર થઇ ગયો હતો.
કલ્યાણપુર તાલુકાના રાણ ગામની ખારાવાળી સીમ વિસ્તારમાં રહેતા હરદાન ઉર્ફે પપ્પુ રણમલ સાખરા નામના શખ્સ દ્વારા પોતાના કબજા ભોગવટાની વાડીના રહેણાંક મકાનમાં છુપાવીને રાખવામાં આવેલી રૂપિયા ૨૭,૬૦૦ ની કિંમતની વિદેશી દારૂની ૬૯ બોટલ એલસીબી પોલીસે પકડી પાડી હતી. જોકે આ સ્થળેથી આરોપી હરદાન ઉર્ફે પપ્પુ સાખરા પોલીસને મળી ન આવતા પોલીસે હાલ તેને ફરાર જાહેર કરી, કલ્યાણપુર પોલીસ મથકમાં પ્રોહીબિશન એક્ટ મુજબ ગુનો નોંધવામાં આવ્યો છે.