દેશના મોટાભાગના રાજ્યોમાં અત્યારે ગરમીના મામલે તાપમાનનો પારો સામાન્ય વધઘટ સાથે જાણે સ્થિર થઈ ગયો હોય તેવું લાગે છે. પરંતુ બે દિવસ પછી પંજાબ હરિયાણા ગુજરાત ચંદીગઢ દિલ્હી રાજસ્થાન અને ઉત્તર પ્રદેશ સહિત દેશના અનેક રાજ્યોમાં મહત્તમ તાપમાન વધશે તેવું એલર્ટ હવામાન વિભાગે આપ્યું છે.

ભેજવાળા વાતાવરણ માટેનું પણ અલગથી એલર્ટ જાહેર કરવામાં આવ્યું

સામાન્ય વધઘટ સાથે તાપમાનનો પારો લગભગ સ્થિર હોય તેવું હોવા છતાં હવામાન ખાતાએ મધ્યપ્રદેશ રાજસ્થાન ઉત્તર પ્રદેશ વિદર્ભ બિહાર ઓડિશા ઝારખંડ પશ્ચિમ બંગાળ પંજાબ હરિયાણા છત્તીસગઢ તેલંગાણા અને મહારાષ્ટ્ર માટે હિટ વેવનું એલર્ટ જાહેર કર્યું છે. આ ઉપરાંત ગુજરાત સહિતના દેશના અનેક રાજ્યોમાં દરિયાકાંઠાના વિસ્તારોમાં આગામી તારીખ 30 સુધી ગરમી અને ભેજવાળા વાતાવરણ માટેનું પણ અલગથી એલર્ટ જાહેર કરવામાં આવ્યું છે.

ગુજરાતમાં તાપમાનમાં ખાસ વધઘટ નથી 

ગુજરાતમાં તાપમાનમાં ખાસ વધઘટ નથી પરંતુ આમ છતાં ગુરુવારે સુરેન્દ્રનગરમાં 42.1 અમરેલીમાં 41.9 રાજકોટમાં 42.2 અમદાવાદમાં 42.1 ડીસામાં 40.8 ગાંધીનગરમાં 41.6 વડોદરામાં 40.4 ભુજમાં 42.7 અને કંડલા એરપોર્ટ ઉપર 40.6 ડિગ્રી મહત્તમ તાપમાન નોંધાયું હતું. વાતાવરણમાં ભેજનું પ્રમાણ અને પવનની ગતિ સામાન્ય કરતાં વધારે હોવાથી બપોરે લુ ફુકાવા માંડે છે અને દિવસ દરમિયાન બફારાનું વાતાવરણ રહે છે.