તળાજા તાલુકાન રાજપરા-2 ગામના આધેડ પોતાનું બાઈક લઈને તણસા જઈ રહ્યા હતા. ત્યારે તણસાના નાળા પાસે કારના ચાલકે બાઈકને અડફેટે લઈ ગંભીર ઈજા પહોંચાડતા આધેડનું સ્થળ પર મોત નિપજવા પામ્યુ હતું. જ્યારે અકસ્માત સર્જી ચાલક ફરાર બન્યો હતો.
તળાજા તાલુકાના રાજપરા-2 ગામે રહેતા જયંતીભાઈ મીઠાભાઈ ખડોદરા પોતાનુ બાઈક લઈને બપોરના અરસા દરમિયાન તણસા જઈ રહ્યા હતા. તે વેળાએ તણસા ગામના નાળા પાસે પહોંચતા અલ્ટીકા કાર નંબર જીજે. 07. ડીએફ- 2319ના ચાલકે પોતાની કાર પુરપાટ ઝડપે અને બેફિકરાઈ પુર્વક ચલાવી બાઈકને અડફેટે લઈ જયંતીભાઈને ગંભીર ઈજા પહોંચાડી મોત નિપજવ્યુ હતું. જ્યારે અકસ્માત સર્જી કારનો ચાલક કાર સ્થળ પર છોડી નાસી છુટ્યો હતો. ઉક્ત બનાવ સંદર્ભે મૃતકના ભત્રીજા મહેશકુમાર બચુભાઈ ખડોદરાએ ઘોઘા પોલીસ મથકમાં ફરીયાદ નોંધાવતા પોલીસે ફરાર અલ્ટીકા કાર નંબર જીજે. 07. ડીએફ- 2319ના ચાલક સામે ગુનો દાખલ કરી ધોરણસર કાર્યવાહી હાથ ધરી હતી.