જિલ્લા કલેક્ટર પ્રભવ જોષીની અધ્યક્ષતામાં ‘‘વાસ્મો’’ (જિલ્લા જળ અને સ્વચ્છતા સમિતિ)ની બેઠક યોજાઈ હતી. આ બેઠકમાં સંબંધિત અધિકારીઓ સાથે વિવિધ કામોની સૈદ્ધાંતિક મંજૂરી અર્થે કલેકટરએ માર્ગદર્શન આપ્યું હતું. 

ગુજરાત રાજ્યમાં ગ્રામ્ય સ્તરે લોક વ્યવસ્થાપિત પેયજળ વ્યવસ્થાપન કાર્યક્રમના અમલીકરણ માટે ઓગમેન્ટેશન ઇન જનરલ રૂરલ એરીયા કાર્યક્રમ હેઠળ રાજકોટ જિલ્લાને આવરી લેવામાં આવેલ છે, તે અંતર્ગત કરવાના થતા કામો માટે જિલ્લા સ્તરની જિલ્લા જળ અને સ્વચ્છતા સમિતિની રચના કરવામાં આવી છે. સમિતિએ જિલ્લામાં કરવાની થતી કામગીરી અંતર્ગત સમાવિષ્ટ એજન્ડા મુદ્દે ચર્ચા કરવામાં આવી હતી. 

આ બેઠકમાં જિલ્લા વિકાસ અધિકારી ડો. નવનાથ ગવહાણે, જિલ્લા ગ્રામ વિકાસ એજન્સીના નિયામક ડી. આર. પોપટ, જિલ્લા આરોગ્ય અધિકારી ડૉ. પી.કે. સિંઘ તથા વોટરશેડ સહિત વિભાગના અધિકારીઓ ઉપસ્થિત રહ્યા હતા.