જામનગરમાં ગાંજાના જથ્થા સાથે એક શખ્સ ઝડપાયો

April 14, 2025 10:36 AM

અમદાવાદના સપ્લાયરનું નામ ખુલ્યું: સાંઢીયા પુલ નીચે પોલીસ ત્રાટકી

જામનગરમાં પોલીસે પૂર્વ બાતમીના આધારે ગુલાબ નગર વિસ્તારમાં વોચ ગોઠવી એક શખ્સને ઝડપી પાડ્યો હતો અને તેના કબજા માંથી ૧ કિલો ૭૫૦ ગ્રામ ગાંજા નો જથ્થો કબજે કર્યો હતો. આ ગાંજો તેણે અમદાવાદના ચાંદખેડાના એક શખ્સ પાસેથી મેળવ્યો હોવાનું પોલીસ સમક્ષ કબૂલ્યું હતું. પોલીસે બંને સામે નાર્કોટિક્સ એક્ટ હેઠળ ગુનો નોંધ્યો છે.

જામનગર ના સીટી બી. ડિવિઝન પોલીસ સ્ટેશનના પીઆઇ ઝાની સુચનાથી પોલીસ સબ ઇન્સ્પેક્ટર ડી. જી. રાજ અને સ્ટાફ પેટ્રોલિંગમાં હતો ત્યારે ગાંજા અંગેની બાતમી મળી હતી જેના અનુસંધાને વોચ ગોઠવીને ગુલાબ નગરના સાંઢિયા પુલ નજીક વીજ કંપનીના સબ સ્ટેશન પાસેથી હિરેન ગોપાલભાઈ નકુમ નામના ૨૨ વર્ષના યુવાનને ઝડપી પાડ્યો હતો. અને તેની પાસેના થેલાની તલાસી. લેતા તેમાથી ૧ કિલો ૭૬૦ ગ્રામ ગાંજાનો જથ્થો મળી આવ્યો હતો. પોલીસે આરોપીની ધરપકડ કરી તેની પાસે થી ૧૭૦૫૦ની કિંમતનો ગાંજો ૫૦૦૦ની કિંમતનો મોબાઇલ ફોન મળી કુલ રૂ.૨૨૦૫૦ ની કિંમત નો મુદ્દામાલ કબ્જે કર્યો હતો.

આરોપીની પૂછપરછમાં ગાંજાનો આ જથ્થો તેણે અમદાવાદના ચાંદખેડામાં રહેતા શુભ જોશી પાસેથી મેળવ્યો હોવાનું જણાવતાં પોલીસે નારકોટીકસ એક્ટ હેઠળ બંને સામે ગુનો નોંધ્યો છે. અને શુભ જોશીની શોધખોળ હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application