તળાજાના જુના શોભાવડ ગામના રોડ પર શનિ મંદિર સામેની પડતર જગ્યામાંથી વિદેશી દારૂ સાથે જુના શોભાવડ ગામના શખ્સ ને ઝડપી લીધો હતો.
તળાજા પોલીસે પેટ્રોલિંગ દરમ્યાન મળેલી બાતમીના આધારે તળાજાના મહુવા ચોકડી નજીક જુના શોભાવડ ગામના રોડ પર આવેલા શનિ મંદિરની સામેની પડતર જગ્યામાં વિદેશી દારૂ રાખી ગેરકાયદેસર વેચાણ કરી રહેલા વિપુલ ગોરધનભાઈ મકવાણા (રે. જુના શોભાવડ)ની વિદેશી દારૂની ૨૦બોટલ સાથે ઝડપી લઇ પૂછપરછ હાથ ધરતા તળાજા તાલુકાના પસવી ગામના રાજેન્દ્રસિંહ ઉર્ફે રાજદીપસિંહ ગજેન્દ્રસિંહ ઉર્ફે ગજુભા સરવૈયા પાસેથી વેચાણ માટે લાવ્યો હોવાનું જણાવતા પોલીસે બન્ને સામે ગુનો નોંધી રાજેન્દ્રસિંહ ઉર્ફે રાજદીપસિંહ ગજેન્દ્રસિંહ ઉર્ફે ગજુભા સરવૈયાને ઝડપી લેવા તજવીજ હાથ ધરી હતી.