જામનગરના કામદાર કોલોની વિસ્તારમાં અજાણ્યા શખ્સો દ્વારા મોટા પ્રમાણમાં બાયોમેડિકલ વેસ્ટ ફેંકવાની ઘટના સામે આવતાં વિસ્તારના રહેવાસીઓમાં ભારે રોષ ફેલાયો છે.

આ બાયોમેડિકલ વેસ્ટમાં અનેક પ્રકારની દવાઓના પેકેટ, ઓઇન્ટમેન્ટ, તેમજ દુર્ગંધ મારતી અન્ય દવાઓનો સમાવેશ થાય છે. આ બાયોમેડિકલ વેસ્ટ રહેણાંક વિસ્તારમાં ફેંકવામાં આવતાં રોગચાળાની ભીતિ સર્જાઈ છે.

આ ઘટનાની જાણ થતાં જ સ્થાનિક લોકોએ આરોગ્ય વિભાગને જાણ કરી હતી. આરોગ્ય વિભાગની ટીમ ઘટના સ્થળે પહોંચી તપાસ હાથ ધરી છે. પ્રાથમિક તપાસમાં આ બાયોમેડિકલ વેસ્ટ કોઈ અજાણ્યા શખ્સો દ્વારા રાત્રિના સમયે ફેંકવામાં આવ્યું હોવાનું જણાઈ રહ્યું છે.

આ બાયોમેડિકલ વેસ્ટને ખુલ્લામાં ફેંકવાથી રોગચાળો ફાટી નીકળવાની ભીતિ સેવાઈ રહી છે. આ વિસ્તારમાં નાના બાળકો અને વૃદ્ધો વધુ પ્રમાણમાં રહે છે. તેથી આ બાયોમેડિકલ વેસ્ટ તેમના માટે જોખમી બની શકે છે.