ખંભાળિયા શહેરની મધ્યમાં રહેણાંક વિસ્તારમાં રવિવારે સાંજે એક ફ્લેટમાં આગ લાગતા ફાયર ફાયટર ઘટના સ્થળે દોડી ગયું હતું. આ અંગેની જાણવા મળતી વિગત મુજબ ખંભાળિયાના પોસ રહેણાંક વિસ્તાર એવા નવાપરા, શેરી નં. 12 ખાતે આવેલી બાલાજી રેસીડેન્સી ખાતે એક આસામીના એસીના બાહ્ય ભાગમાં કોઈ કારણોસર એકાએક આગ લાગી હતી. આ અંગેની જાણ ફાયર વિભાગને કરવામાં આવતા ફાયર સ્ટાફના જીતેન્દ્રસિંહ તથા ઈર્શાદભાઈ અને બ્રિજરાજસિંહ ઘટના સ્થળે દોડી ગયા હતા અને પાણીનો મારો ચલાવીને આગ પર કાબુ મેળવ્યો હતો. સદભાગ્ય કોઈ મોટી જાનહાની થઈ ન હતી.