મહિલા પર પેશાબ કરવાનો વધુ એક કિસ્સો પ્રકાશમાં આવ્યો છે. કર્ણાટક રાજ્ય માર્ગ પરિવહન નિગમની બસમાં મંગળવારે રાત્રે હુબલી નજીક આ ઘટના બની હતી. વિજયપુરાથી મેંગલુરુ જતી નોન-એસી બસમાં એક 32 વર્ષીય વ્યક્તિએ મહિલા મુસાફરની સીટ પર પેશાબ કર્યો હતો. જો કે, પીડિતાએ પોલીસ અથવા KSRTCને ફરિયાદ કરવાનો ઇનકાર કર્યો હતો. ત્યાર બાદ બસ આગળ વધી હતી.

અહેવાલો અનુસાર, બસમાં બેઠેલા અન્ય મુસાફર ગણેશ યાદવદે જણાવ્યું કે જ્યારે બસ કિરેસુરના એક ઢાબા પર રોકાઈ ત્યારે આ વ્યક્તિએ મહિલાની સીટ પર પેશાબ કર્યો હતો. ઘટના બાદ જ્યારે મહિલાએ બૂમો પાડી ત્યારે બસમાં બેઠેલા બાકીના લોકો અને કંડક્ટર-ડ્રાઈવર પહોંચી ગયા હતા. આ લોકોએ તે વ્યક્તિને ત્યાંથી દૂર કર્યો. તે નશામાં હતો, તેણે અન્ય લોકો સાથે ખરાબ વર્તન કર્યું હતું. તેને કાબૂમાં રાખવો મુશ્કેલ હતો, તેથી બસમાં બેઠેલા લોકોએ તેને બસમાંથી ઉતરવા કહ્યું.

​​​​​​​

કેએસઆરટીસીના સિનિયર ડિવિઝનલ કંટ્રોલર રાજેશ શેટ્ટીના જણાવ્યા અનુસાર, તેમને આ ઘટનાની માહિતી મળી હતી. આ બધું થયું ત્યારે બસમાં કોઈ નહોતું. જ્યારે તે ઢાબા પરથી પાછી આવી ત્યારે તેણે જોયું કે કોઈ તેની સીટ પર પેશાબ કરી રહ્યું છે પરંતુ મહિલા પેસેન્જરે અમને કે પોલીસમાં ફરિયાદ કરવાનો ઇનકાર કર્યો હતો. આ પછી બસ ઢાબાથી આગળ નીકળી હતી.

લોકોના જણાવ્યા અનુસાર પીડિત મહિલા બસની 3 નંબરની સીટ પર બેઠી હતી. જે વિજયપુરાથી હુબલી જઈ રહી હતી. જ્યારે તે વ્યક્તિ 28 નંબરની સીટ પર હતો. એક મુસાફરે જણાવ્યું કે તે મિકેનિકલ એન્જિનિયર છે, જે વિજયપુરાથી મેંગલુરુ જઈ રહ્યો હતો. બસના કર્મચારીઓએ તરત જ મહિલાની સીટ અને બેગ સાફ કરી. તેમજ મહિલાની સુરક્ષાની ખાતરી આપી કારણ કે તે ઘટના બાદ આઘાતમાં હતી.