પોરબંદરના સરદાર પટેલ સ્પોર્ટ્સ સંકુલ ખાતે ૬૮મી અખિલ ભારતીય શાળાકીય જિલ્લાકક્ષા બેડમિન્ટન સ્પર્ધા યોજાઈ હતી.
પોરબંદર શહેરમાં આવેલા સરદાર પટેલ રમત સંકુલ ખાતે આયોજીત ૬૮ મી અખિલ ભારતીય શાળાકીય જિલ્લાકક્ષાની બેડમિન્ટન સ્પર્ધામાં અલગ-અલગ કેટેગરીમાં ૧૭૦ જેટલા સ્પર્ધકોએ ભાગ લીધો હતો.ગુજરાત સરકારના રમત-ગમત યુવા અને સાંસ્કૃત્તિક પ્રવૃત્તિઓ વિભાગ, ગાંધીનગર પ્રેરિત સ્પોર્ટ્સ ઓથોરીટી ઓફ ગુજરાત ગાંધીનગર આયોજિત તેમજ જિલ્લા રમત ગમત અધિકારીની કચેરી, પોરબંદર દ્વારા સંચાલિત ૬૮મી અખિલ ભારતીય શાળાકિય જિલ્લાકક્ષા બેડમિન્ટન અંડર ૧૪, ૧૭,૧૯ ભાઈઓ, બહેનો સ્પર્ધાનું આયોજન યોજવામાં આવેલ હતું. 
જેમાં પોરબંદર જિલ્લાની અલગ અલગ શાળા, સંસ્થામાંથી આ સ્પર્ધામાં ખેલાડીઓ ભાગ લેવા આવેલ હતા. આ સ્પર્ધાનું આયોજન પોરબંદરના સરદાર પટેલ રમત સંકુલ ખાતે કરવામાં આવેલ હતું. આ સ્પર્ધામાં અંદાજીત ૧૭૦ ખેલાડીઓ ભાગ લીધો હતો.પોરબંદર જિલ્લા રમત ગમત અધિકારી ડો.પ્રવિણાબેન પાંડાવદરા,ધર્મેન્દ્રભાઈ રાઠોડ,સચિનભાઈ એરડા,  તેજસભાઈ વીંછી,અમિતભાઈ ભુતિયા, ડો.નરેશકુમાર ભાલીયા, ડો. હેતલબેન પંડ્યા, શિલ્પાબેન દાસા તેમજ વિવિધ શાળાના વ્યાયામ શિક્ષકો, કોચ તેમજ વાલીઓ આ સ્પર્ધામાં ઉપસ્થિત રહ્યા હતા.