જામનગર શહેરમાં રવિવારે ચાલુ વરસાદ દરમિયાન સાધના કોલોનીની કેનાલમાં એક ગાય ખાબકી હતી, જ્યારે ગુરુદ્વારા પાસેની કેનાલમાં એક વાછરડી પડી ગઈ હતી. જે બંનેને સહી સલામત રીતે બહાર કાઢી લેવાઇ છે.
 જામનગરમાં સાધના કોલોની વિસ્તાર માં થી પસાર થતી તળાવ સુધીની કેનાલમાં રવિવારે સાંજે એક ગાય પડી ગઈ હતી. જે અંગેની જાણકારી મળતાં આસપાસના રહેવાસીઓએ એકત્ર થઈને દોરડા વગેરેની મદદથી ગાયને સહી સલામત રીતે બહાર કાઢીને બચાવી લીધી હતી. તે જ રીતે જામનગરમાં ગુરુદ્વારા નજીકની કેનાલમાં પણ એક વાછરડી રવિવારે સાંજે પડી ગઈ હતી. જે અંગેની જાણકારી મળતાં જામનગર મહાનગરપાલિકાની ફાયર બ્રિગેડની ટુકડીએ દોડી જઈ વાછરડી ને સહી સલામત રીતે બહાર ખેંચી લીધી હતી.