પોરબંદર છાંયા સંયુક્ત નગરપાલિકા દ્વારા ચોપાટી બીચ ખાતે બીચ ક્લીનઅપ ઝુંબેશ યોજાઈ હતી. ગુજરાત એન્વાયર્નમેન્ટ મેનેજમેન્ટ ઇન્સ્ટિટ્યૂટ, ગુજરાત પ્રદૂષણ નિયંત્રણ બોર્ડ, ધ ન્યૂ ઇન્ડિયા એશ્યોરન્સ કંપની લિમિટેડ, શ્રી રામ સી સ્વિમિંગ ક્લબ અને સીમા જાગરણમંચ સૌરાષ્ટ્ર પ્રાંતના સહયોગથી આયોજન કરવામાં આવ્યું હતું. આંતરરાષ્ટ્રીય કોસ્ટલ ક્લીન-અપ ડે નિમિત્તે ચોપાટી બીચ ખાતે બીચ ક્લીનઅપ ઝુંબેશનું આયોજન કરાયું હતું જેમાં પોરબંદરના ધારાસભ્ય અર્જુનભાઈ મોઢવાડિયા થી માંડીને નગરપાલિકાના પ્રમુખ ડોક્ટર ચેતનાબેન તિવારી સહિત અનેક આગેવાનો જોડાયા હતા. પોરબંદરના સમુદ્રમાં જેતપુરના સાડી ઉદ્યોગના કેમિકલ યુક્ત પાણી વહાવવાનો પ્રોજેક્ટ આગળ ધપી રહ્યો છે તેથી જો હવે પોરબંદરની જનતા સમયસર નહીં જાગે તો ભવિષ્યમાં પોરબંદરના સમુદ્રમાં પણ સફાઈ કરવી પડશે તેવી પરિસ્થિતિનું નિર્માણ થાય તે પહેલા ગાંધીભૂમિના લોકો જાગે તે અનિવાર્ય બન્યું છે.(તસ્વીર: જિજ્ઞેશ પોપટ)