ગુરુગ્રામના એમ્બિયન્સ મોલમાં આજે સવારે બોમ્બ હોવાના સમાચાર મળતાં ખળભળાટ મચી ગયો હતો. મોલ મેનેજમેન્ટને ધમકીભર્યો ઈ-મેલ આવ્યો હતો. જે બાદ પોલીસ અને સુરક્ષા એજન્સીને આ અંગે જાણ કરવામાં આવી હતી. માહિતી મળ્યા બાદ અધિકારીઓમાં ખળભળાટ મચી ગયો હતો. હાલ બોમ્બ ડિસ્પોઝલ સ્ક્વોડની ટીમ તપાસમાં લાગેલી છે.

ડીએલએફ ફેઝ 3 પોલીસ સ્ટેશનના ઈન્ચાર્જનું કહેવું છે કે બોમ્બની ધમકી મેઈલ દ્વારા મોકલવામાં આવી હતી. તપાસ કરવામાં આવી છે, હજુ સુધી આવી કોઈ શંકાસ્પદ વસ્તુ મળી નથી. આ પ્રકારના ઈમેલ દેશભરના મોલમાં મોકલવામાં આવ્યા છે.

બે મહિના પહેલા પણ પાંચ શાળાઓને બોમ્બની ધમકી મળી હતી

મામલાની તપાસ ચાલી રહી છે. ઈમેલ ક્યાંથી અને શા માટે મોકલવામાં આવ્યો હતો તે ટૂંક સમયમાં જ જાણવા મળશે. હાલમાં પરિસ્થિતિ શાંતિપૂર્ણ છે અને પોલીસકર્મીઓ (ગુરુગ્રામ પોલીસ) તૈનાત કરવામાં આવ્યા છે બે મહિના પહેલા ગુરુગ્રામની પાંચ શાળાઓને બોમ્બથી ઉડાવી દેવાની ધમકી આપવામાં આવી હતી.