કેમ્પ દરમ્યાન ૧૫૩ બોટલ રકત એકત્ર થયું: વિદ્યાર્થીઓએ બહોળી સંખ્યામાં રકતદાન કર્યુુ

જામનગરમાં સ્થિત સૌરાષ્ટ્ર ગ્રામીણ બેંકના ૧૮ માં સ્થાપના દિવસ નિમિતે રક્તદાન શિબિરનું આયોજન કરવામાં આવ્યું હતું. સૌરાષ્ટ્ર ગ્રામીણ બેંકના જામનગર રીજીયન દ્વારા જી.જી.હોસ્પટલના સહયોગથી બેડી બંદર રોડ શાખા ખાતે રક્તદાન શિબિરનું આયોજન કરાયું હતું.  આ રક્તદાન શિબિરમાં સૌરાષ્ટ્ર ગ્રામીણ બેન્કના ગ્રાહકો, સ્ટાફગણ, આયુર્વેદ કોલેજ અને વિદ્યાસાગર કોલેજના વિદ્યાર્થીઓએ બહોળી સંખ્યામાં રક્તદાન કર્યું હતું. આ સમગ્ર કાર્યક્રમ દરમિયાન ૧૫૩ બોટલ જેટલું રક્ત એકત્રિત કરવામાં આવ્યું હતું, અને તે જી.જી. હોસ્પિટલને અર્પણ કરવામાં આવ્યું હતું. કાર્યક્રમના અંતે સૌરાષ્ટ્ર ગ્રામીણ બેંકના જામનગર રીજીયનના રીજીયન મેનેજર  આર.જે.વિરમગામાએ આભાર વિધિ કરી હતી.