આહાર સહિતની બાબતે મહિલાઓને માહિતગાર કરાઈ

નયારા એનર્જી સંચાલિત પ્રોજેક્ટ તૃષ્ટિ દ્વારા આયુષ વિભાગના સહયોગથી દ્વારકા તાલુકાના ઓખા ખાતે મહિલાઓ માટે યોગ અને ગર્ભ સંસ્કાર કાર્યક્રમનું આયોજન કરવામાં આવ્યું હતું. આ કેમ્પમાં આયુષ વિભાગના મેડિકલ ઓફિસર દ્વારા ગર્ભ સંસ્કાર સાથે આ પરિસ્થિતિ દરમિયાન આહાર, વિહાર અને યોગ બાબતે પણ સવિસ્તૃત માહિતી આપવામાં આવી હતી.

આ સાથે યોગ પ્રશિક્ષક દ્વારા આંગણવાડી વર્કર અને સગર્ભા મહિલાઓને યોગ કરાવવામાં આવ્યા હતા. આ આયોજનમાં 75 સગર્ભા મહિલાઓ અને 41 આંગણવાડી વર્કર બહેનો સાથે અન્ય લાભાર્થીઓએ પણ લાભ લીધો હતો.