ગિરનાર પર્વત પર આજે ૯.૮ડીગ્રી લઘુતમ તાપમાન નોંધાયું છે. ગઈકાલના આઠ ડિગ્રી લઘુતમ તાપમાન મની સરખામણીએ આજનું આ ૯.૮ ડિગ્રી લઘુતમ તાપમાન બે ડિગ્રી જેટલું વધારે છે. પરંતુ આમ છતાં ઠંડા પવનને કારણે ઠંડીની તીવ્રતા વધી ગઈ છે.
રાજકોટ અમરેલી પોરબંદરમાં ગઈકાલે લઘુતમ તાપમાનમાં સામાન્યથી પાંચ ડિગ્રી સુધીનો મોટો ઘટાડો નોંધાયા પછી હવે આજથી હવામાન સ્થિર થયું છે. આગામી ચાર દિવસ સુધી લઘુતમ તાપમાનના પ્રમાણમાં ખાસ મોટી વધઘટ થવાની કોઈ સંભાવના ન હોવાનું હવામાન ખાતું જણાવે છે.
આજે ગાંધીનગરમાં ચાર ડિગ્રીનો ઘટાડો નોંધાયો હતો અને આજનું લઘુતમ તાપમાન ૧૧.૬ ડિગ્રી રહેવા પામ્યું હતું. નલિયામાં આજે ૧૨.૨ ડિગ્રી લઘુતમ તાપમાન નોંધાયું છે પરંતુ તે ગઈકાલ જેટલું જ છે.
ભુજમાં ગઈકાલે ૧૬.૩ અને આજે ૧૬.૬ અમરેલીમાં ગઈકાલે ૧૩.૪ અને આજે ૧૪.૬ ભાવનગરમાં આજે ૧૬.૯ અને ગઈકાલે ૧૬.૬ ડિગ્રી લઘુત્તમ તાપમાન નોંધાયું હતું. રાજકોટમાં આજનો લઘુત્તમ તાપમાન ૧૪ ડિગ્રી છે જે ગઈકાલ કરતાં અડધો ડિગ્રી ઓછું છે. વેરાવળમાં આજે ૨૦.૪ ડિગ્રી લઘુતમ તાપમાન નોંધાયું છે જે ગઈકાલ કરતા અડધો ડિગ્રી વધારે છે.
અમદાવાદમાં આજે એક ડિગ્રીના ઘટાડા સાથે લઘુતમ તાપમાન ૧૫.૭ ડીગ્રી નોંધાયું છે. વડોદરામાં ગઈકાલ અને આજના લઘુતમ તાપમાનમાં ખાસ કોઈ ફેરફાર નથી. વડોદરામાં ગઈકાલે ૧૪.૬ અને આજે ૧૪.૪ ડિગ્રી લઘુતમ તાપમાન નોંધાયું છે. સુરતમાં મિનિમમ ટેમ્પરેચર ઐંચકાયું છે. ગઈકાલે ૧૮.૪ અને આજે ૨૦.૪ ડિગ્રી લઘુતમ તાપમાન રહ્યું છે. બંગાળની ખાડીમાં સર્જાયેલ સાયકલોનીક સકર્યુલેશન આજે લો પ્રેસરમાં પરિવર્તિત થયું છે અને આગામી બે દિવસમાં તે ડિપ્રેશનમાં પરિવર્તિત થશે. બંગાળની ખાડી અને અંદામાન સહિતના વિસ્તારોમાં અત્યારે પ્રતિ કલાકના ૫૫ થી ૬૫ કીલોમીટરની ઝડપે પવન ફંકાઈ રહ્યો છે. માછીમારોને આ તરફના દરિયામાં ન જવા માટે પણ ચેતવણી આપવામાં આવી છે.