ગોંડલ તાલુકાના દાળીયા ગામની સીમમાંથી એલસીબીની ટીમે દરોડો પાડી અહીં જુગાર રમતા આઠ શખસોને ઝડપી લીધા હતાં. પોલીસે દરોડા દરમિયાન રોકડ રૂ. ૮૯,૫૦૦ અને મોબાઇલ સહિત કુલ રૂ. ૧,૦૪,૫૦૦ નો મુદ્દામાલ કબજે કર્યો હતો.

જુગારના આ દરોડાની જાણવા મળતી વિગતો મુબજ, રાજકોટ ગ્રામ્ય એલસીબી પીઆઇ વી.વી.ઓડેદરાના માર્ગદર્શન હેઠળ પીએસઆઇ એચ.સી.ગોહીલ તથા ટીમ પેટ્રોલીંગમાં હતી. દરમિયાન મળેલી બાતમીના આધારે ગોંડલ તાલુકાના દાળીયા ગામની આથમણી સીમમાં નરોતમભાઇ દેવજીભાઇ વડુકીયા (રહે.દાળીયા ગામ તા.ગોંડલ) ની વાડીના મકાનમાં જુગાર રમતા આઠ શખસોને ઝડપી લીધા હતાં.

જુગાર રમતા ઝડપાયેલા શખસોમાં વાડી માલિક નરોતમ દેવજીભાઇ વડુકીયા (ઉ.વ.૫૫) ઉપરાંત પરાગ ચંદુભાઇ વોરા (ઉ.વ. ૪૦), અનીલ દામજીભાઇ વોરા (ઉ.વ. ૪૧), ઇસુબ અલ્લારખભાઇ દલ (ઉ.વ. ૪૦), ભીખા આંબાભાઇ ઘાડીયા (ઉ.વ. ૭૦), બાબુ વાલજીભાઇ ભુત (ઉ.વ. ૭૬), હમીર સુલેમાનભાઈ દોઢીયા (ઉ.વ. ૫૩), સાબીત હુશેનભાઇ દલ (ઉ.વ.૫૫) નો સમાવેશ થાય છે. પોલીસે પટમાંથી રોકડ રૂ.૮૯,૫૦૦ અને મોબાઇલ સહિત કુલ રૂ. ૧,૦૪,૫૦૦ નો મુદ્દામાલ કબજે કર્યો હતો.

આ કામગીરીમાં એલસીબીની ટીમના એ.એસ.આઇ. ઇન્દ્રસિંહ જાડેજા,જયવીરસીંહ રાણા,બાલકૃષ્ણભાઇ ત્રીવેદી, રવિદેવભાઇ બારડ, રોહિતભાઇ બકોત્રા, વકારભાઇ આરબ,બ્રિજરાજસિંહ જાડેજા તથા હેડ.કોન્સ. અનિલભાઇ ગુજરાતી, ભગીરથસિંહ જાડેજા, મનોજભાઇ બાયલ, ઘનશ્યામસીંહ જાડેજા કોન્સ. મેહુલભાઇ સોનરાજ, પ્રકાશભાઇ પરમાર, મહીપાલસિંહ ચુડાસમા સાથે રહ્યા હતાં.