ઉપલેટા પંથકમાં છેલ્લ ા બે દિવસ થયા સાંજના સમયે વરસાદ પડતા ત્રણથી પાંચ ઇંચ પાણી પડતા ખેતીના પાકને નુકસાન થવા પામ્યું છે.
ઉપલેટા પંથકમાં બે દિવસ થયા ભારે બફારા બાદ સાંજના સમયે વષર્રિાણીનું આગમન થાય છે ગત સાંજે વરસાદનું આગમન થતાં એકાદ કલાકમાં દોઢ ઇંચ વરસાદ વરસી ગયો હતો. જયારે ગ્રામ્ય પંથકના નાગવદર ગામે દોઢ કલાકમાં ચાર ઇંચ જેટલો વરસાદ નોંધાયો હતો. સમગ્ર ગ્રામ્ય વિસ્તારમાં ત્રણથી પાંચ ઇંચ વરસાદ બે દિવસમાં પડતા ખેતીના પાકને પારાવાર નુકસાની થયેલ છે. જયારે માંડવીના તૈયાર પાક પણ પલળી જતાં નુકસાન થવા પામ્યું છે. ભારે વરસાદને કારણે મોજીરા પાસે આવેલ મોજ ડેમના ત્રણ દરવાજા પાંચ ફુટ બે વખત ખોલવામાં આવતા નદીમાં ઘોડાપુર આવ્યા હતાં. વરસાદને કારણે જાનહાનીનો બનાવ બનવા પામ્યો નથી.