મહારાષ્ટ્રના થાણે જિલ્લાના ભિવંડીના વાલપાડા વિસ્તારમાં શનિવારે એક ઈમારત ધરાશાયી થઈ હતી. ફાયર બ્રિગેડ અને ડિઝાસ્ટર સહિતની પોલીસ ટીમ ઘટનાસ્થળે પહોંચી ગઈ છે. કાટમાળમાં દટાયેલા લોકોને બચાવવામાં આવી રહ્યા છે. ઇમારત ધરાશાયી થવાને કારણે મૃતકોની સંખ્યા વધી શકે છે. બિલ્ડિંગના કાટમાળમાં 15થી 20 લોકો ફસાયા હોવાની આશંકા છે. સ્થાનિક લોકોએ ફાયર બ્રિગેડ અને ડિઝાસ્ટર વિભાગને ફોન કરીને અકસ્માતની જાણ કરી હતી.

કાટમાળ નીચે 15 થી 20 લોકો ફસાયા છે. ગ્રાઉન્ડ પ્લસ 2 માળની ઇમારત હતી. ફાયર બ્રિગેડ અને ડિઝાસ્ટર સહિત NDRF અને પોલીસની ટીમો ઘટનાસ્થળે પહોંચી ગઈ છે. કેટલાક મજૂરો પણ ત્યાં ફસાયેલા છે. થાણે ફાયર બ્રિગેડની ટીમ ઘટનાસ્થળે પહોંચી ગઈ છે.

આ બિલ્ડિંગ કૈલાશનગરના વાલપાડામાં વર્ધમાન કમ્પાઉન્ડમાં હતું. અને આ મકાનની નીચે એક વેરહાઉસ છે અને તેની ઉપર એક ઘર હતું. અને હજુ સુધી એ સ્પષ્ટ નથી થયું કે આ બિલ્ડિંગનું સ્ટ્રક્ચર રહેણાંક હતું કે કોમર્શિયલ. અને ભોંયતળિયે વેરહાઉસ હતું. જ્યાં મજૂરો કામ કરતા હતા. તેમાંથી કેટલાક કાટમાળ નીચે દટાયા હોવાની આશંકા છે. એમ્બ્યુલન્સ ઘટનાસ્થળે તૈનાત છે. ઘાયલોને હોસ્પિટલમાં લઈ જવામાં આવી રહ્યા છે. લોકોને કાટમાળમાંથી બહાર કાઢવામાં આવી રહ્યા છે. આ ઈમારત ઘણી જૂની હોવાનું કહેવાય છે. બચાવ કાર્ય યુદ્ધના ધોરણે ચાલી રહ્યું છે.