રશિયામાં 80 વર્ષની એક મહિલાના મગજમાંથી ત્રણ સેન્ટિમીટર લાંબી સોય કાઢવામાં આવી છે. મહિલા બાળપણથી જ સોય સાથે જીવી રહી હતી. સ્વાસ્થ્ય બગડતા ડોક્ટરોએ સીટી સ્કેનમાં 3 સેમીની સોય શોધી કાઢી હતી. આરોગ્ય વિભાગનું માનવું છે કે આ ભ્રૂણહત્યાના પ્રયાસનો મામલો હોઈ શકે છે. મહિલાના માતા-પિતાએ બાળપણમાં તેની હત્યા કરવાનો પ્રયાસ કર્યો હશે, પરંતુ તે નિષ્ફળ ગયો હોય અને પાછળથી પકડાઈ જવાના ડરથી તેઓએ સોય કાઢવાનો પ્રયાસ કર્યો ન હતો.

રશિયાના સખાલિનના દૂરના પ્રદેશમાં આરોગ્ય વિભાગના અધિકારીએ જણાવ્યું હતું કે રશિયામાં દુષ્કાળ દરમિયાન આવા કિસ્સાઓ સામાન્ય હતા, આથી બીજા વિશ્વયુદ્ધ દરમિયાન મહિલાના માતા-પિતાએ તેને મારી નાખવાનો પ્રયાસ કર્યો હશે. પરંતુ તે બચી ગઈ અને જન્મથી જ સોય સાથે જીવવું પડ્યું.

મહિલાના ડાબા પેરીટલ લોબમાં સોય નાખવામાં આવી હતી. આશ્ચર્યની વાત એ છે કે તેના પર તેની કોઈ આડઅસર નહોતી. ડૉક્ટરોએ કહ્યું કે ઈજાને કારણે મહિલાએ ક્યારેય માથાના દુખાવાની ફરિયાદ કરી નથી. હાલ તેમના સ્વાસ્થ્યનું ધ્યાન રાખવામાં આવી રહ્યું છે.