રાજકોટના લોધિકાના પારડી ગામમાં 28 વર્ષના યુવાનની હત્યા થઈ હોવાનું સામે આવ્યું છે. અજાણ્યા શખસોએ તીક્ષ્ણ હથિયારના ઘા ઝીંકી યુવાનને મોતને ઘાટ ઉતાર્યાનું સામે આવ્યું છે. આ મૃતક યુવાને દોઢ મહિના પહેલા જ પ્રેમલગ્ન કર્યા હતા. 

મૃતક જેતપુરમાં કામ કરી પોતાનું ગુજરાન ચલાવતો
પ્રાપ્ત વિગત મુજબ લોધિકાના પારડી ગામમાં જેતપુર રહેતા રવિ દિલીપભાઈ મકવાણા (ઉં.વ.28)ની તીક્ષ્ણ હથિયારના ઘા ઝીંકી હત્યા કરવામાં આવતા પોલીસ દોડી ગઈ હતી. રવિ પોતાની પત્નીને પારડી ગામે સસરાના ઘરે મૂકવા આવ્યો હતો. રવિ મૂળ જામજોધપુર તાલુકાનો રહેવાસી હતો અને જેતપુર કામ કરી પોતાનું ગુજરાન ચલાવતો હતો.  

હત્યા પાછળનું કારણ અકબંધ
ઘટનાને લઈને શાપર-વેરાવળ પોલીસ દ્વારા સમગ્ર મામલે તપાસ શરૂ કરવામાં આનવી છે. પોલીસે રવિના મૃતદેહને રાજકોટ સિવિલ હોસ્પિટલ ફોરેન્સિક PM માટે ખસેડ્યો છે.
હત્યા પાછળ કારણ જાણવા પોલીસ દ્વારા તપાસ શરૂ કરવામાં આવી છે. મૃતકના પરિવાર જાણ કરવામાં આવી છે.