ગુજરાત હાઇકોર્ટના આદેશ મુજબ જામનગરમાં લાયસન્સ વિના સ્ટેમ્પીંગ પેકીંગ ન કરતા વધુ ૨૫ દુકાનધારકો અને ગાલાધારકો સામે કોર્પોરેશને બીજે દિવસે પણ તવાઇ ઉતારી છે અને બે દિવસમાં ૪૨ દુકાનો સીલ કરવામાં આવી છે, આગામી દિવસોમાં પણ આ પ્રકારની કાર્યવાહી સતત ચાલું રહેશે.
સોમવારે કોર્પોરેશનની એસ્ટેટ ફુડ, સિકયુરીટી અને સોલીડ વેસ્ટ શાખાના અધિકારીઓએ મજબુત પોલીસ બંદોબસ્ત સાથે કાલાવડ નાકા બહાર મટન માર્કેટ સહિતના ૧૭ સ્થળોએ ચેકીંગ કરીને બિનઆરોગ્યપ્રદ હાલતમાં મટન, ચીકન કાપીને વેંચતા વધુ ૨૫ આસામીઓ સામે કાર્યવાહી કરીને તેમની દુકાનો સીલ કરી દેવામાં આવી છે, ગઇકાલે ૨૫ દુકાનો સીલ કરવામાં આવી હતી.
કાલાવડ નાકા ઉપરાંત ડીફેન્સ કોલોની, ખોડીયાર કોલોની સહિતના વિસ્તારોમાં કેટલીક ચીકનની દુકાનોમાં અનહાઇજેનીક ફુડ રાખવામાં આવતું હતું તે તમામ દુકાનો ચેક કરીને સીલ કરી દેવામાં આવતાં ખળભળાટ મચી ગયો છે.
સતત બીજા દિવસે એસ્ટેટ શાખા દ્વારા કડક કાર્યવાહી કરવામાં આવતાં કાલાવડ નાકા બહાર લોકોના ટોળા એકઠાં પણ થયા હતાં, પરંતુ હાઇકોર્ટનો આદેશ છે તેમ કહીને અધિકારીઓએ સતત કાર્યવાહી ચાલું રાખી હતી, બે દિવસમાં ૪૨ જેટલી દુકાનો અને ગાલા સીલ કરી દેવામાં આવ્યા છે, ત્યારે ભારે બોકાસો બોલી ગયો છે, આ કાર્યવાહી એસ્ટેટ શાખાના નિતીન દિક્ષીત, દબાણ નિરીક્ષક સુનિલ ભાનુશાળી, ફુડ શાખાના નિલેશ જોસોલીયા, દશરથભાઇ, શોપ શાખાના હસમુખ પાંડોર, સોલીડ વેસ્ટ શાખાના દિપક પટેલ સહિતના લોકોએ આ કાર્યવાહી કરી હતી.
જામનગર શહેરમાં આ પ્રકારની કાર્યવાહી કરતા ચીકન અને મટન વેંચતા ધારકો પણ ગભરાઇ ગયા હતાં, કેટલાક લોકો ઉચ્ચ કક્ષાએ રજૂઆત કરવાની તૈયારીમાં લાગી ગયા છે, સતત બે દિવસ સુધી કોર્પોરેશને કાર્યવાહી કરીને ૪૨ દુકાન-ગાલા સીલ કરી દીધા છે, જો કે આ કાર્યવાહી સમયે કોઇપણ જાતનો અનિચ્છનીય બનાવ ન બને તે માટે મજબુત પોલીસ બંદોબસ્ત ગોઠવી દેવાયો છે. કોર્પોરેશન દ્વારા સતત દુકાનો સીલ કરવામાં આવી રહી છે, ગેરકાયદેસર રીતે મટન અને ચીકન વેંચતા આસામીઓ સામે કડક પગલા લેવામાં આવશે, કોર્ટના આદેશ મુજબ કાર્યવાહી થઇ રહી છે અને મજબુત બંદોબસ્ત પણ ગોઠવાઇ રહ્યો છે, ત્યારે આગામી દિવસોમાં વધુ કડક કાર્યવાહી કરવામાં આવશે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationકોલકાત્તા દુષ્કર્મ કેસ: આરજી કર હોસ્પિટલના જુનિયર ડોક્ટરોની હડતાળ સમાપ્ત
September 19, 2024 10:58 PM'તમામ હદ પાર', હિઝબુલ્લા ચીફની ધમકી બાદ પણ ન માન્યું ઇઝરાયેલ, બેરુતને હચમચાવી નાખ્યું
September 19, 2024 10:15 PMતિરુપતિ મંદિરના પ્રસાદમાં જાનવરોની ચરબી, લેબ રિપોર્ટમાં ખુલાસો, ફિશ ઓઈલ મેળવવાની પુષ્ટિ
September 19, 2024 10:13 PMબાંગ્લાદેશ હિંસામાં નવ લઘુમતીઓના મોત, 69 પૂજા સ્થાનો પર તોડફોડ, ચોંકાવનારા આંકડા આવ્યા સામે
September 19, 2024 10:12 PMCopyright © 2023-2024 Aajkaal Daily
Developed by Rhythm Infotech