દિલ્હીમાં રોજ ખૂન ખરાબાની કોઈ ઘટના સામે આવે છે.જેમાં ફરી એક ઘટના સામે છે. જેમાં બે મિત્રોની ગોળી મારીને હત્યા કરવામાં આવી છે.બન્ને મૃતદેહ વચ્ચે 300 મીટરનું અંતર છે.

દિલ્હીના વેલકમ વિસ્તારમાંથી પોલીસને બે મૃતદેહ મળ્યા, બંનેને બે વખત ગોળી વાગી હતી. પોલીસના જણાવ્યા અનુસાર બંને જણા એકબીજાને ઓળખતા હતા અને બંનેની હત્યા એક જ ઘટના સાથે સંકળાયેલી હોઈ શકે છે.

દિલ્હીના વેલકમ પોલીસ સ્ટેશન વિસ્તારમાં ડબલ મર્ડરની ઘટનાથી સનસનાટી ફેલાઈ ગઈ છે. ગત સોમવાર-મંગળવારની મધ્યરાત્રિના લગભગ 2 વાગ્યે, દિલ્હી પોલીસને માહિતી મળી કે વેલકમ પોલીસ સ્ટેશન વિસ્તારમાં પીળી માટી ચોકી પાસે એક વ્યક્તિને ગોળી મારી દેવામાં આવી છે. મામલાની માહિતી મળતાં જ પોલીસ ઘટનાસ્થળે પહોંચી ત્યારે વેલકમ એરિયામાં 65 ફૂટ રોડ પર પીળી માટી પાસે એક વ્યક્તિ પર બે ગોળીઓ ચલાવવામાં આવી હતી.

મૃતકની ઓળખ લગભગ 40 વર્ષ સુભાષ પાર્કમાં રહેતા પ્રદીપ તરીકે થઈ છે. પોલીસના જણાવ્યા અનુસાર પ્રદીપ રોજ મજુરી કરતો હતો. પોલીસને તેના મૃતદેહ પાસે 2 ખાલી ગોળીઓ મળી છે. તરત જ અન્ય એક વ્યક્તિની ઓળખ બબલુ ઉર્ફે પટલા તરીકે થઈ જે લગભગ 40 વર્ષનો છે જે જનતા મઝદૂર કોલોનીનો રહેવાસી છે. આ વ્યક્તિને પણ ગોળી વાગી હતી. તેની ડેડબોડી ગલી નંબર 6 સુભાષ પાર્ક પાસે મળી આવી હતી.

બબલુને છાતી અને પેટના નીચેના ભાગે ગોળી વાગી હતી. પોલીસના જણાવ્યા અનુસાર બબલુ ભજનપુરા વિસ્તારનો રહેવાસી હતો અને તેની સામે સ્નેચિંગ અને ચોરીના 13 કેસ નોંધાયેલા હતા. તે રોજીરોટી મજૂર તરીકે પણ કામ કરતો હતો. બબલુના મૃતદેહની નજીકથી બે ખાલી ગોળીઓના શેલ પણ મળી આવ્યા હતા.

બંને મૃતદેહો વચ્ચે લગભગ 300 મીટરનું અંતર હતું. પોલીસના જણાવ્યા અનુસાર પ્રાથમિક તપાસમાં જાણવા મળ્યું છે કે પ્રદીપ અને બબલુ બંને એકબીજાને ઓળખે છે અને શક્ય છે કે ઘટના સમયે બંને સાથે હતા. પ્રાથમિક તપાસમાં પોલીસને શંકા છે કે પહેલા બબલુને ગલીમાં ગોળી મારી દેવામાં આવી હતી અને પછી પ્રદીપને મેઈન રોડ પર ગોળી મારી દેવામાં આવી હતી. બંનેને જીટીબી હોસ્પિટલમાં લઈ જવામાં આવ્યા હતા જ્યાં તેમને મૃત જાહેર કરવામાં આવ્યા હતા. પોલીસે હત્યાનો ગુનો નોંધી તપાસ શરૂ કરી છે.