બ્રાઝિલના પ્રખ્યાત બોડી બિલ્ડર મેથ્યુસ પાવલકનું હાર્ટ એટેકથી નિધન થયું છે. રવિવારે તે પોતાના ઘરે મૃત હાલતમાં મળી આવ્યા હતા. તેના અકાળે મૃત્યુથી ફિટનેસ જગતને આઘાત લાગ્યો છે, કારણ કે મેથ્યુઝ માત્ર 19 વર્ષનો હતો. તેમનું જીવન પ્રેરણાદાયક હતું, ખાસ કરીને જેઓ શરીર પરિવર્તન અને તંદુરસ્તી માટે સમર્પિત છે તેમના માટે મેથ્યુઝે સ્થૂળતા સામે લડત આપી અને પાંચ વર્ષમાં પોતાની મહેનત અને નિશ્ચય દ્વારા બોડી બિલ્ડર તરીકે વિશ્વભરમાં પોતાનું નામ બનાવ્યું હતું.

બોડી બિલ્ડર મેથ્યુસનું નિધન દુઃખદ ઘટના છે. તેમના મૃત્યુ પાછળના કારણ તરીકે સ્ટેરોઇડ્સના ઉપયોગની સંભાવનાને લઈને હવે સોશિયલ મીડિયા પર ચર્ચાઓ થઈ રહી છે. જે તેમના સ્વાસ્થ્ય પર નકારાત્મક અસરનું કારણ હોઈ શકે છે. લોકો કહે છે કે આ ઘટના એ પણ સૂચવે છે કે કોઈપણ પ્રકારની સપ્લીમેન્ટ્સ અથવા દવાઓના ઉપયોગમાં સાવધાની રાખવી જોઈએ.

મેથ્યુઝે 2019 માં બોડીબિલ્ડિંગ શરૂ કર્યું અને બોડીબિલ્ડિંગ સમુદાયમાં સ્ટાર બની ગયા હતા. ગયા વર્ષે U23 સ્પર્ધા જીત્યા બાદ તેને મિસ્ટર બ્લુમેનાઉ નામ આપવામાં આવ્યું હતું. આ સિવાય તેણે પ્રદેશની અન્ય ઘણી સ્પર્ધાઓમાં ભાગ લીધો અને ટોપ 10માં રહ્યાં હતા.

સોશિયલ મીડિયા પર ઘણા નિષ્ણાંતો માને છે કે મેથ્યુસે તેમની તબિયત સુધારવા માટે ઘણી દવાઓ લીધી હતી. જેના કારણે તેમને સ્વાસ્થ્ય સંબંધી તકલીફ થઈ અને તેમને હાર્ટ એટેક આવ્યો.