સરકારી કચેરીઓમાં સેટ અપ મુજબનો પૂરો સ્ટાફ નથી અને ઘણી જગ્યાઓ ખાલી પડી છે. તેવી ફરિયાદ અને બહાના કામ ન કરવું હોય ત્યારે અવારનવાર આપવામાં આવે છે. પરંતુ દર મહિને પાંચ આંકડામાં પગાર મેળવતા ડેપ્યુટી કલેકટરો મામલતદારો પ્રાંત અધિકારીઓ અને અધિક કલેકટરો જેવા ટોચના અધિકારીઓ લાંબા સમયથી કામ વગર ઘરે બેઠા પગાર મેળવતા હોવાનું બહાર આવી રહ્યું છે.

પ્રમોશન અથવા તો ટ્રાન્સફર પછી જે તે અધિકારીને અન્ય અથવા તો મૂળ જગ્યા એ નિમણૂક આપવામાં ભારે વિલબં થતો હોવાથી આવા અધિકારીઓને વેઇટિંગ ઈન પોસ્ટિંગના લીસ્ટમાં રાખી દેવામાં આવે છે. સાત મામલતદારોને ગઈકાલે આવા લિસ્ટમાંથી બહાર કાઢીને પોસ્ટિંગ અપાયા પછી હવે ગેસ કેડરના અધિકારીઓ એટલે કે ડેપ્યુટી કલેકટરો અને પ્રાંત અધિકારીઓને સરકારે કામે લગાડા છે.

ગઈકાલે સરકારે દાહોદ છોટા ઉદેપુર જામનગર પંચમહાલ જુનાગઢ ભાવનગર અને રાજકોટમાં આ મુજબ સાથ મામલતદારોની નિમણૂક કરી છે. ગેસ કેડર ના અધિકારીઓની સંખ્યા ઘણી વધારે છે. પણ ઘણા સમયથી કામ વગર ઘરે બેસીને પગાર મેળવતા ૧૮ ગેસ કેડરના અધિકારીઓને આખરે સરકારે કામ સોપ્યું છે. આ અધિકારીઓમાં મિસ એમ. કે. પરીખને રાય ચૂંટણી પંચના ડેપ્યુટી કમિશનર તરીકેનો ઓર્ડર કરાયો છે. એ.ડી. જોશીને એસ.ટી બોર્ડ નિગમના જનરલ મેનેજરની જવાબદારી સોપવામાં આવી છે. ડી. એ. ઝાલાને જામનગરના નાયબ મ્યુનિસિપલ કમિશનર બનાવવામાં આવ્યા છે. વી. કે. પટેલને ફડ કંટ્રોલર તરીકે નિમણૂક આપવામાં આવી છે. કે.વી.બાટીને જુનાગઢ અર્બન ડેવલપમેન્ટ ઓથોરિટી ના ચીફ એકિઝકયુટિવ ઓફિસર બનાવાયા છે. કુમારી એસ.એચ વર્માને ગુજરાત લાઈવલીહત્પડ પ્રમોશન કંપનીના મેનેજિંગ ડિરેકટર બનાવ્યા છે. એન. આર. પ્રજાપતિને કમિશનરેટ ઓફ માઈનિંગ મા એડિશનલ ડિરેકટર નું પોસ્ટિંગ અપાયું છે.

રાજકોટમાં પ્રાંત અધિકારી તરીકે ફરજ બજાવી ચૂકેલા અને છેલ્લા થોડા સમયથી પોસ્ટિંગ ની રાહ જોઈને બેઠેલા કે.જી.ચૌધરીને ગાંધીનગર મ્યુનિસિપલ કોર્પેારેશનમાં નાયબ કમિશનર બનાવ્યા છે. વી. આઇ. પ્રજાપતિને એડિશનલ કલેકટર તરીકે રીજીયોનલ કમિશનર ઓફ મ્યુનિસિપાલિટીમાં મૂકયા છે
આવી જ રીતે ડી.એમ દેસાઈ, આર આર ગોહેલ, બી કે દવે, જેપી અસારી, એમ કે જોશી, જે.એમ રાવલ, આર એમ જાલંધરા, કુમારી જે.સી.દલાલ, કુમારી જે.સી.પંડાને અલગ અલગ પોસ્ટિંગ આપવામાં આવ્યા છે.