અમેરિકામાં ૧૭મી સદીનો એક દુર્લભ ચાંદીનો સિક્કો હરાજીમાં રેકોર્ડ ૨.૫૨ મિલિયન ડોલર(૨૧.૨૬ કરોડ પિયા)માં વેચાયો હતો. આ એક નવો રેકોર્ડ છે. તેનું વજન માત્ર ૧.૧ ગ્રામ હતું અને તેમાં રહેલી ચાંદીની કિંમત આજે માત્ર ૧.૦૩ ડોલર છે.
૨૦૧૬માં એમ્સ્ટર્ડમમાં એક જૂના કબાટમાંથી મળેલો આ સિક્કો અમેરિકા જયારે બન્યું ન હતું એ પહેલા ૧૬૫૨માં બોસ્ટન મિન્ટ ટંકશાળમાં બનાવવામાં આવ્યો હતો. તેની હરાજી સ્ટેન્ક બોવર્સ ગેલેરી દ્રારા કરવામાં આવી. ૧૨ મિનિટ સુધી ચાલેલી બિડિંગ બાદ આ સિક્કો અંદાજિત કિંમત કરતાં ત્રણ ગણી વધુ કિંમતે વેચાયો હતો.
તેને થ્રીપેંસ સિક્કો કહેવામાં આવે છે, તેની એક બાજુ ન્યૂ ઈંગ્લેન્ડનો એન. ઇ. લખાયેલું છે અને બીજું બાજુ રોમન અંકોમાં તેની કિંમત લખેલી છે. આ સિક્કો એકદમ નાનો છે પરંતુ તેની દુર્લભતા અને ઐતિહાસિક મહત્વને કારણે તે અમેરિકી ટંકશાળની સ્થાપના પહેલા બનાવવામાં આવેલો સૌથી મોંઘો નોન–ગોલ્ડ અમેરિકી સિક્કો બની ગયો છે.
આ સિક્કો એટલા માટે પણ ખાસ છે કારણ કે આવા માત્ર ત્રણ સિક્કા બનાવવામાં આવ્યા હતા. એક સિક્કો મેસેચ્યુસેટસ હિસ્ટોરિકલ સોસાયટી પાસે છે. બીજો સિક્કો કેટલાક દાયકાઓ પહેલા યેલ કોલેજમાંથી ચોરી થઇ ગયો હતો. જો કે આ સિક્કાએ હરાજીમાં રેકોર્ડ તોડ કિંમત હાંસલ કરી છે, તેમ છતાં તે અમેરિકાનો સૌથી મોંઘો સિક્કો નથી બન્યો. અગાઉ ૨૦૧૩માં એક સિલ્વર ડોલર ૧૦ મિલિયન ડોલરમાં વેચાયો હતો. ૨૦૨૧માં ૧૯૩૩નો ડબલ ઇગલ સોનાનો સિક્કો ૧૮.૯ મિલિયન ડોલરમાં વેચાયો હતો