અમદાવાદના ચંડોળા વિસ્તાર નજીક રાષ્ટ્ર વિરોધી અને સમાજ વિરોધી પ્રવૃત્તિઓ સામેની કાર્યવાહી દરમિયાન ક્રાઈમ બ્રાન્ચે સગીર છોકરીઓને વેશ્યાવૃત્તિ માટે તસ્કરી કરનારા વ્યક્તિઓની ઓળખ કરી ધરપકડ કરી હતી. વધુ તપાસમાં ગેરકાયદેસર ઇમિગ્રન્ટ્સને નકલી ભારતીય દસ્તાવેજો બનાવવાનું રેકેટ પણ બહાર આવ્યું હતું. ત્યારબાદ કોમ્બિંગ ઓપરેશન દરમિયાન 50 ગેરકાયદેસર ઇમિગ્રન્ટ્સની અટકાયત કરવામાં આવી હતી. આ 50 ગેરકાયદેસર ઇમિગ્રન્ટ્સમાંથી એક સગીર સહિત 16 બાંગ્લાદેશી ઇમિગ્રેટ્સનો દેશ નિકાલ કરવામાં આવ્યો છે. જ્યારે અન્ય લોકોના દેશ નિકાલની કાનૂની પ્રક્રિયા ચાલુ છે. આ અંગે રાજ્યના ગૃહમંત્રી હર્ષ સંઘવીએ એક્સ પર પોસ્ટ કરી છે. 

હર્ષ સંઘવીએ પોસ્ટમાં શું લખ્યું
અમદાવાદ ક્રાઈમ બ્રાન્ચે રાષ્ટ્ર વિરોધી પ્રવૃત્તિઓ પર કાર્યવાહી કરી છે, ૧૫ ઇમિગ્રન્ટ્સને સફળતાપૂર્વક બાંગ્લાદેશ મોકલવામાં આવ્યા છે. વેશ્યાવૃત્તિ માટે સગીર છોકરીઓની તસ્કરી કરવામાં સંડોવાયેલા વ્યક્તિઓની ઓળખ અને ધરપકડ કરવામાં આવી છે. ગેરકાયદેસર ઇમિગ્રન્ટ્સ માટે નકલી ભારતીય દસ્તાવેજો બનાવતા રેકેટનો પર્દાફાશ થયો હતો. 
કોમ્બિંગ ઓપરેશન દરમિયાન 50 ગેરકાયદેસર ઇમિગ્રન્ટ્સની અટકાયત કરવામાં આવી હતી. જેમાંથી ૧૫ ઇમિગ્રન્ટ્સ અને ૧ સગીર બાળકનો સફળતાપૂર્વક દેશ નિકાલ કરવામાં આવ્યો છે. બાકીના ઇમિગ્રન્ટ્સના દેશ નિકાલ માટે કાનૂની પ્રક્રિયા ચાલુ છે.