જામનગર : પીપળી ગામના શખ્સની પાસા હેઠળ અટકાયત
લાલપુરના પીપળી ગામના શરીર સબંધી ગુનામાં સંડોવાયેલા શખ્સ સામે પાસા હેઠળ વોરન્ટ બજવણી કરીને લાજપોર જેલમાં મોકલી આપવા કાર્યવાહી હાથ ધરવામાં આવી છે.
એસપી સૈની દ્વારા અસામાજીક પ્રવૃતી કરનારા શખ્સો સામે કડક પગલા લેવા સુચના કરતા પીઆઇ ચૌધરી, લાલપુરના પીઆળ ગળચર અને સ્ટાફના સંદીપભાઇ, દીગુભા, દિલીપસિંહ, ટિનુભા દ્વારા જામનગર જીલ્લામાં અગાઉ શરીર સબંધી ગુનાની અસામાજીક પ્રવૃતી સાથે સંકળાયેલ ઇસમ સામે પાસા દરખાસ્ત તૈયાર કરી જીલ્લા મેજી. પી.બી. પંડયા સમક્ષ મોકલતા મંજુર કરી પાસા વોરન્ટ ઇસ્યુ કરવામાં આવ્યો હતો.
જામનગર એલસીબી દ્વારા પાસા વોરન્ટની બજવણી કરી શરીર સબંધી ગુનામાં સંડોવાયેલ લાલપુરના પીપળી ગામના પ્રફુલ ઉર્ફે કાનજી પુંજા ટોયટાને અટક કરી લાજપોર જેલમાં મોકલી આપવા તજવીજ હાથ ધરવામાં આવી હતી.