40 વાહન ચાલકોને દંડ: 8 વાહન ડીટેઈન

દેવભૂમિ દ્વારકા જિલ્લાના મુખ્ય મથક ખંભાળિયા વિસ્તારમાં શનિવારે આર.ટી.ઓ. તેમજ જિલ્લા ટ્રાફિક પોલીસ દ્વારા સંયુક્ત રીતે વાહન ચેકિંગ કાર્યવાહી કરવામાં આવી હતી.

આ અંતર્ગત અહીંના જુદા જુદા વિસ્તારોમાં ટ્રાફિક તેમજ મોટર વાહન અધિનિયમ હેઠળ વિવિધ પ્રકારના નિયમોનો ભંગ કરવા સબબ વાહન ચાલકો સામે તંત્ર દ્વારા લાલ આંખ કરાઇ હતી. આ કાર્યવાહીમાં આશરે 40 જેટલા વાહનોને હાજર દંડ ફટકારવામાં આવ્યો હતો. આટલું જ નહીં, જુદા જુદા પ્રકારના ગુનાઓ સબબ આઠ જેટલા વાહનો ડીટેઈન કરવામાં આવ્યા હતા. આ કામગીરીમાં આર.ટી.ઓ. ઈન્સ્પેક્ટર એએ. ભાડુલા તેમજ ટ્રાફિક પી.એસ.આઈ. અને તેમની ટીમ દ્વારા જરૂરી કાર્યવાહી કરાઈ હતી.