ફરિયાદમાં જણાવ્યું હતું કે, તેમના પુત્ર સંજયસિંહના લગ્ન રિયાબા સાથે થયા હતા દસેક મહિના પૂર્વે રિયાબાનું અવસાન થયું છે. સંજયસિંહ અલગ રહે છે તેને ત્રણ સંતાન છે જેમાં કર્મરાજ (ઉ.વ 6), વંશીકા (ઉ.વ 9) ફરિયાદી સાથે રહે છે જ્યારે કાવ્યબા(ઉ.વ 6) તેના નાના સાથે રહે છે.

ગઈ તા. 21/4 ના ફરિયાદી ઘરે હતા ત્યારે બપોરના સમયે પુત્ર સંજયસિંહ અહીં આવ્યો હતો અને બોલાચાલી કરી સંતાનો તેમની સાથે રહેતા હોય તે લઈ જવા બાબતે ઝઘડો કરવા લાગ્યો હતો. બાદમાં બળજબરીથી કારમાં અપરણ કરી પડધરી પાસે ઉતારી દીધા હતા અને જાનથી મારી નાખવાની ધમકી આપી હતી જે અંગે યુનિવર્સિટી પોલીસ સ્ટેશનમાં ફરિયાદ કરતા તેની ધરપકડ થઈ હતી.

બાદમાં તારીખ 23/4 ના સાંજના સમય ફરિયાદીને પુત્ર સંજયસિંહનો ફોન આવ્યો હતો અને કહ્યું હતું કે, મારા દીકરા આપી દો મારે તેને મારા ફઈબા નયનાબાના ઘરે મૂકવા જેવા છે તેમ કહી ગાળો આપવા લાગ્યો હતો અને જાનથી મારી નાખવાની ધમકી આપી હતી. આ ફોન ફરિયાદી સાથે રહેતા જીતેન્દ્રભાઈ ચિત્રોડાના મોબાઈલ પર આવ્યો હતો. પુત્ર સતત આ રીતે ધમકી આપતો હોય તેનાથી ડરી જાય ફરિયાદીએ ફિનાઈલ પી આપઘાતનો પ્રયાસ કરતા તેમના પતિ ઘરે આવતા તેઓ ઉલટીઓ કરતા હોય બાદમાં તેમને સારવાર માટે હોસ્પિટલ લઈ જવામાં આવ્યા હતા. ત્યારબાદ તેમણે પુત્ર વિરોધ આ ફરિયાદ નોંધાવી છે.