જામનગરમાં ઢીંચડા રોડ પર રહેતા શાકભાજીના એક વેપારીએ માર્કેટિંગ યાર્ડ રોડ પર કોઈ અગમ્ય કારણોસર ઝેરી દવા પી લઈ આત્મહત્યા કરી લીધી છે. જે મામલે પોલીસ તપાસ ચલાવે છે.

આ બનાવની વિગત એવી છે કે જામનગરમાં ઢીંચડા રોડ પર તિરુપતિ સોસાયટીમાં રહેતા અને સાક બકાલનો વેપાર કરતા કિરીટભાઈ બટુકભાઈ સોલંકી નામના ૪૫ વર્ષના વેપારી એ હાપા માર્કેટિંગ યાર્ડ નજીક કોઈ અગમ્ય કારણોસર ઝેરી દવા પી લઈ આત્મહત્યાનો પ્રયાસ કરતાં તેનું મૃત્યુ નીપજ્યું હતું.

આ બનાવ અંગે મૃતકના પુત્ર અમિત કિરીટ ભાઈ સોલંકીએ પોલીસને જાણ કરતાં સિટી એ. ડિવિઝનના પોલીસ હેડ કોન્સ્ટેબલ આર.એ. જાડેજા બનાવના સ્થળે પહોંચી ગયા હતા, અને વેપારીનો કબજો સંભાળી પોસ્ટ મોર્ટમ કરાવ્યું છે, જ્યારે તેણે કયા સંજોગોમાં આપઘાત નું પગલું ભરી લીધું, તે જાણવા માટે ઊંડાણપૂર્વકની તપાસ શરૂ કરી છે.