દિવાળી નજીક આવતા ગરમીમાં વધારો થતાં લોકો ચિંતામાં: સવાર-સાંજ ઠંડક અને બપોર સૂર્યદેવતા કોપાયમાન: રોગચાળો વઘ્યો

દિવાળીને હવે માત્ર અઠવાડીયાથી વાર છે ત્યારે હજુ પણ ગરમી કેડો મુકતી નથી, ઉલ્ટાનું તાપમાન એક ડીગ્રી વધીને 37 ડીગ્રીએ પહોંચી ગયું છે, સવારે અને સાંજે ઠંડો પવન અને બપોરે અસહ્ય ગરમીનો અનુભવ લોકોને થાય છે, જેનાથી રોગચાળો પણ વઘ્યો છે, ડેન્ગ્યુ અને વાયરલ ઇન્ફેશનના કેસોમાં પણ સારો એવો વધારો થયો છે ત્યારે મહત્તમ તાપમાન 37 ડીગ્રીએ પહોંચી ગયું છે.

કલેકટર કચેરીના ક્ધટ્રોલ મના જણાવ્‌યા મુજબ મહત્તમ તાપમાન 37 ડીગ્રી, લઘુતમ તાપમાન 23.5 ડીગ્રી, હવામાં ભેજ 95 ટકા અને પવનની ગતિ 20 થી 25 કિ.મી. પ્રતિકલાક રહી હતી. કમોસમી વરસાદને કારણે ખેડુતો ફરીથી નુકશાનીનો ભોગ બન્યા છે, મગફળી અને કપાસમાં નુકશાન થવાથી ખેડુતો જે લોન લઇને બિયારણ ખરીદયું હતું તેમાં ત્રણ-ત્રણ વખત માવઠુ થતાં નુકશાનીનો આંક વધી ગયો છે તેની સામે એક ફાયદો એ છે કે, તળ સાચા થઇ ગયા છે અને 15 થી 20 ફુટે પાણી હોવાથી આ વખતે શિયાળુ પીયતમાં વાંધો નહીં આવે. આગામી દિવસોમાં પણ એકાદ અઠવાડીયું મીશ્ર વાતાવરણ રહેશે તેવી હવામાન ખાતાની આગાહી જોવા મળી છે.

જામનગર ઉપરાંત કાલાવડ, ધ્રોલ, જોડીયા, લાલપુર, ભાણવડ, ફલ્લા, કલ્યાણપુર, સલાયા, ખંભાળીયા, ભાટીયા, રાવલ, દ્વારકા, જામજોધપુર સહિતના ગામોમાં પણ છેલ્લા ત્રણ-ચાર દિવસથી અસહ્ય ગરમીએ કાળો કેર વતર્વ્યિો છે, એક તરફ કમોસમી માવઠાથી ખેડુતોને ભારે આર્થિક નુકશાન થયું છે, બીજી તરફ અસહ્ય ગરમીને કારણે લોકો પણ મુશ્કેલીમાં મુકાયા છે.